Mae’n bryd siarad am ba mor ddrud yw hi i fod yn westai priodas

Ers talwm, byddai bod yn westai mewn gwasanaeth priodas neu bartneriaeth sifil yn golygu mynd i’r eglwys leol neu’r swyddfa gofrestru, ac yna brechdanau syml i fwyta.

Ddim rhagor. Mae ymchwil newydd yn dangos bod y person cyffredin yn gwario £700 ar fod yn westai fesul priodas.

Mae’r ffigwr hwnnw hyd yn oed yn fwy poenus pan ystyriwch fod y person cyffredin wedi mynd i dair priodas yn y flwyddyn ddiwethaf – poenus!

Mae costau gwesteion priodas yn effeithio ar bobl iau yn arbennig gan eu bod yn fwy tebygol o:

• fod â mwy o ffrindiau sy’n priodi

• angen teithio ar draws y wlad neu dramor ar gyfer y digwyddiad

• bod yn y parti priodas 

• mynd i bartïon plu a nosweithiau ceiliogod.

Ond gwesteion hŷn 66+ yw’r rhai sy’n rhoi’r rhoddion mwyaf hael!

Cymaint o hwyl ag yw gwisgo i fyny, mynd i ddinas newydd a phrynu gwisg braf, gall hefyd deimlo fel rhwymedigaeth fawr - un na fyddwch efallai yn gallu ei fforddio, neu hyd yn oed wedi cyllidebu amdano.

Gall dalu am eitemau drud gyda’ch cerdyn credyd neu ddefnyddio ‘Prynu Nawr a Thalu Wedyn’ i ddygymod â’r costau ychwanegol hyn fod yn apelgar, ond byddwch yn ofalus rhag glanio yn y sefyllfa lle na allwch fforddio’r ad-daliadau. Os nad ydych chi’n siŵr – edrychwch ar ein canllaw ar Gwneud yn siŵr eich bod chi’n gallu fforddio benthyca.  

Gydag ychydig o drefnu ac ymrwymiad, gallwch gyllidebu a chynilo’r hyn sydd ei angen arnoch i osgoi mynd i drafferthion ariannol. Gall ein Cynlluniwr cyllideb a’n Cyfrifiannell cynilo eich helpu i gyrraedd y nod.  

Os nad ydych mewn sefyllfa i allu dod o hyd i’r math hwnnw o arian - neu yn syml nad ydych chi’n teimlo’n gyfforddus gyda’r gost ychwanegol, eich syniad gorau yw cael sgyrsiau gonest am yr hyn y gallwch chi ei wneud ac na allwch ei wneud.

Am help, gweler ein canllaw Sut i gael sgwrs am arian. Rydym yn esbonio sut i gael sgwrs anodd, sut i baratoi a sut i ddelio ag ymatebion negyddol.