Canllaw i Gynllun Pensiwn Athrawon Gogledd Iwerddon

Os ydych chi'n athro yng Ngogledd Iwerddon, rydych chi wedi'ch cofrestru'n awtomatig ar Gynllun Pensiwn Athrawon Gogledd Iwerddon (NITPS).

Mae'r NITPS yn bensiwn buddion wedi’u diffinio. Mae hyn yn golygu bod y swm y bydd yn ei dalu i chi ar ôl ymddeol yn seiliedig ar eich cyflog a hyd eich gwasanaeth.

Os ymunoch â’r NITPS ar ôl Ebrill 2015, bydd gennych gynllun pensiwn cyfartaledd gyrfa. Mae hyn yn golygu bod eich incwm ymddeoliad yn cael ei gyfrifo gan ddefnyddio 1/57fed o’ch enillion pensiynadwy ar gyfer pob blwyddyn y byddwch yn aelod o’r cynllun.

Enghraifft: Os oedd eich enillion pensiynadwy yn £28,500 dros flwyddyn, byddech fel arfer yn ennill pensiwn sy’n talu £500 y flwyddyn (£28,500 wedi’i rannu â 57).

Yna caiff swm eich pensiwn terfynol ei gyfrifo drwy ywchwnegu’r buddion pensiwn rydych wedi’u hennill am bob blwyddyn rydych yn aelod o’r cynllun. Yna ychwanegir swm ychwanegol ar gyfer chwyddiant, felly ni ddylai ei werth ostwng dros amser.

Mae’r cyfrifiadau yn cymryd eich bod yn cymryd eich pensiwn ar oedran pensiwn arferol y cynllun, sef 65 oed neu eich oedran Pensiwn y WladwriaethYn agor mewn ffenestr newydd os yw hyn yn hwyrach. Gallwch hefyd ddewis ildio rhywfaint o’r incwm rheolaidd gwarantedig o’ch pensiwn a chymryd hyd at 25% fel cyfandaliad di-dreth.

Os ymunoch â’r NITPS cyn Ebrill 2015, bydd eich incwm ymddeoliad yn cynnwys swm a gronnwyd yn y cynllun cyflog terfynol. I amcangyfrif faint yw hyn, gallwch ddefnyddio cyfrifiannell yr Adran AddysgYn agor mewn ffenestr newydd

Gallwch wneud cais am Bensiwn y Wladwriaeth pan fyddwch yn cyrraedd eich oedran Pensiwn y WladwriaethYn agor mewn ffenestr newydd Nid oes ots a oes gennych bensiynau eraill.

Mae faint o Bensiwn y Wladwriaeth rydych yn gymwys i'w gael yn dibynnu ar eich cofnod Yswiriant Gwladol. I gael rhagor o wybodaeth, gweler ein canllaw Pensiwn y Wladwriaeth: sut mae'n gweithio.

Byddwch yn talu canran o’ch cyflog i mewn i’ch STPS bob mis, yn dibynnu ar eich cyflog blynyddol. Ers 1 Ebrill 2025, y cyfraddau cyfrannu yw:

Os hoffech ennill pensiwn uwch, gallwch drefnu i wneud taliadau ychwanegol.

Yr oedran cynharaf y gallwch gymryd arian o’r NITPS fel arfer yw 55 (57 o 6 Ebrill 2028), oni bai bod angen i chi ymddeol yn gynnar oherwydd iechyd gwael. Ond efallai y cewch lai os byddwch yn ei gymryd cyn eich oedran pensiwn arferol (NPA).

Mae eich NPA yn dibynnu ar y math o NITPS sydd gennych. Os ydych wedi cronni buddion mewn mwy nag un cynllun, efallai y cewch symiau penodol ar wahanol oedrannau.

Os byddwch yn rhoi’r gorau i addysgu, byddwch yn dod yn aelod gohiriedig o’r NITPS. Mae hyn yn golygu na fyddwch yn colli’r buddion rydych wedi’u hennill eisoes, ond byddwch yn cael swm is wedi’i ychwanegu ar gyfer chwyddiant bob blwyddyn nag ar gyfer aelodau gweithredol.

Os byddwch yn dychwelyd i addysgu o fewn pum mlynedd, fel arfer byddwch yn parhau i gronni buddion yn yr un cynllun ag y gwnaethoch ei adael.

Os byddwch yn dychwelyd i addysgu ar ôl seibiant o bum mlynedd, byddwch fel arfer yn cael eich symud i fersiwn diweddaraf y cynllun – y cynllun cyfartaledd gyrfa ar hyn o bryd.

Am fwy o wybodaeth, gallwch lawrlwytho taflen ffeithiau seibiannau gwasanaeth yr Adran AddysgYn agor mewn ffenestr newydd

Pan fyddwch yn marw, bydd yr NITPS fel arfer yn talu cyfandaliad grant marwolaeth i'ch partner neu unrhyw un a restrir ar eich ffurflen enwebu.

Os buoch yn aelod am dros ddwy flynedd, dylai'r NITPS hefyd dalu taliad rheolaidd i'ch teulu.

Mae faint y byddai’ch buddiolwyr yn ei gael ac am ba mor hir yn dibynnu ar y cynllun rydych chi ynddo ac os ydych chi’n aelod gweithredol, yn aelod gohiriedig neu’n derbyn eich pensiwn pan fyddwch chi’n marw.

Am fwy o wybodaeth, gweler taflen ffeithiau profedigaeth yr Adran AddysgYn agor mewn ffenestr newydd