Sut i dalu am welliannau i’r cartref

Bydd hyn yn helpu rhwystro cost eich atgyweiriadau rhag mynd allan o reolaeth drwy osgoi’r ‘pethau ychwanegol’ nad oeddech wedi cynllunio ar eu cyfer . 

Rhestrwch yr holl bethau rydych eisiau cael eu gwneud – a gofyn am ddyfynbrisiau ysgrifenedig yn hytrach nag amcangyfrifon.

• mae dyfynbris yn bris sefydlog y cytunwyd arno
• mae amcangyfrif yn bris bras a allai newid

Sicrhewch eich bod yn cael tri phris o leiaf/ Dylech eu cymharu’n fanwl a cheisio cael barn gan gwsmeriaid blaenorol .

Pan wnewch ddewis masnachwr, gwnewch yn siwr eich bod yn cael cytundeb ysgrifenedig sydd wedi ei gostio. Os byddant yn dweud wrthych ar ôl I’r gwaith ddechrau bod rhaid iddynt wneud rhagor o waith, gofynnwch am amcangyfrif ysgrifenedig a chynllun gwaith arall fydd wedi ei gostio. Gwnewch hyn cyn cytuno i wario unrhyw beth mwy.

Nodwch efallai bydd rhai tudalennau ar safle Which? yn gofyn i chi ymuno fel aelod i gael mynediad i'r cynnwys llawn.

Mae cymryd yr amser i gyfrifo cost llawn unrhyw fenthyciadau yn ffordd dda o sicrhau y gallwch wir fforddio’r gwaith.

Os fedrwch, ceisiwch dalu am gymaint ag y gallwch gyda chynilion, gall taliadau llog adeiladu yn gyflym. Mae’n bwysig cadw digon yn eich cynilion i dalu costau annisgwyl.

Angen rhywfaint o help i ddechrau? Mae gosod nod cynilo yn ffordd wych o weld eich cynilion yn tyfu. Darganfyddwch ble i ddechrau a beth yw nod cynilo addas i chi yn ein canllaw Sut i bennu nod cynilo.

Os ydych angen benthyg arian am eich gwelliannau cartref mae’n bwysig peidio â mynd i ddyled na allwch fforddio ei had-dalu. A pheidiwch ag anghofio bydd unrhyw gais am fenthyciad neu gredyd yn cael effaith negyddo ar eich sgôr credyd.

• Darllenwch ein canllaw ar gyfer y mathau gwahanol o ariannu.
• Darllenwch ein canllaw ar Gynyddu’ch morgais – cael rhagor o flaenswm. Ac I weld faint gallai eich taliadau misol fod, defnyddiwch ein cyfrifiannell ad-dalu morgais.
• Darganfyddwch fwy am fenthyciadau sydd wedi’i warantu a heb eu gwarantu.
• Ar gyfer mân welliannau i’r cartref, rhowch ystyriaeth i gerdyn credyd sy’n rhoi 0% o log ar drosglwyddiadau balans neu bryniadau newydd. Os ydych yn cyflogi crefftwr efallai na fyddent yn derbyn cerdyn credyd ond mae’n werth gofyn. Os ydych yn prynu rhannau am yr adeiladu gyda cherdyn credyd efallai y byddech yn elwa o amddiffyniad Adran 75. Darganfyddwch fwy yn ein canllaw Sut rydych wedi’ch amddiffyn wrth dalu gyda cherdyn.

• Adnabod y ffordd ratach o fenthyg am y cyfnod byraf. A chymharu cost gyfan benthyg, nid y raddfa llog yn unig.
• Darllenwch ein canllaw Rheoli credyd yn dda.

Mae’r Fargen Werdd yn eich helpu i wneud gwelliannau arbed ynni yn eich cartref a darganfod y ffordd orau i dalu amdanynt. Mae benthyciadau ar gael trwy’r cynllun yma, ond bydd rhaid i chi basio gwiriadau cymhwyster er mwyn fod yn gymwys amdanynt a bydd rhaid iddynt gael eu had-dalu. Nid yw’r benthyciadau ar gael yng Ngogledd Iwerddon.

Bydd y gwelliannau gall arbed y mwyaf o ynni yn dibynnu ar y math o gartref sydd gennych, ond mae enghreifftiau cyffredin yn cynnwys:

• inswleiddio, megis wal solid, wal geudod neu inswleiddio atig
• gwres
• atal drafftiau
• gwydr dwbl
• gynhyrchu ynni adnewyddadwy, megis paneli solar neu bympiau gwres.

Mae’n werth nodi os ydych yn gwirio eich Tystysgrif Perfformiad Ynni (EPC) y dylai rhoi ffyrdd o wella effeithiolrwydd eich cartref a dangos y gwahaniaeth gall hwn wneud. 

Mae'r Cynllun Inswleiddio Prydain Fawr yn darparu inswleiddio cartref rhad neu am ddim i bobl gymwys, a all helpu i leihau'r defnydd o ynni a thorri costau ynni. Os ydych yn gymwys, gallech arbed tua £310 y flwyddyn.    

Efallai y byddwch yn cael cymorth os yw'ch cartref:

• gyda Thystysgrif Perfformiad Ynni (EPC) o D i G
• mewn bandiau Treth Gyngor A-D yn Lloegr neu A-E yn yr Alban neu Gymru.

Efallai y byddwch hefyd yn gymwys i gael cymorth os ydych yn derbyn rhai budd-daliadau prawf modd megis Credyd Cynhwysol neu Gredyd Pensiwn.  

Darganfyddwch fwy a gwnewch gais am  Gynllun Inswleiddio Cartrefi Prydain FawrYn agor mewn ffenestr newydd

Gall Cynllun Warmer Homes dalu costau gwalliannau sy’n arbed ynni fel atal drafft neu inswleiddio llofft.

I fod yn gymwys mae’n rhaid eich bod wedi bod yn berchen ar eich cartref neu’n rhentu’n breifat am o leiaf blwyddyn a rhaid eich bod yn cael rhai budd-daliadau.

Os nad ydych yn gymwys am Gynllun Warmer Homes, efallai y gallwch wneud cais am fenthyciad di-log yn lle hynny i dalu am y gwelliannau.

Mae gan rai awdurdodau lleol yn yr Alban hefyd eu cynlluniau eu hunain. Defnyddiwch y teclyn Fund Finder ar wefan Home Energy ScotlandYn agor mewn ffenestr newydd

Mae cynllun Nyth yn cynnig cyngor am ddim ar sut y gallwch wneud eich cartref yn fwy ynni effeithlon. Os ydych yn gymwys, gallwch hefyd wneud cais am foeleri ac insiwleiddio am ddim.

Os yw’ch boeler yn aneffeithlon ac yn fwy na 15 oed efallai y gallwch gael grant o hyd at £1,000 i’w amnewid, os yw incwm eich cartref yn llai na £40,000 y flwyddyn.

Os ydych yn berchen ar eich cartref neu’n ei rentu gan landlord preifat a bod gennych gyfanswm incwm cartref o lai na £20,000, efallai y gallwch gael grantiau o hyd at £7,500 i wneud gwelliannau fel inswleiddio, gwresogi a gwydro ffenestri.

Os ydych yn cael galwad ffôn, e-bost neu neges destun allan o nunlle sy’n honni eich bod yn gymwys i gael y Grant Cartrefi Gwyrdd, gallai fod yn sgam.

Peidiwch ag ateb – os yw’n alwad ffôn rhowch y ffôn i lawr yn syth. Cymerwch amser i wirio bod yr unigolyn neu’r cwmni yn ddilys.

Os ydych yn poeni gallwch ffonio 0300 123 2040 Action Fraud neu fynd i wefan Action Fraud i gael cyngor.

Gyda’ch caniatâd, bydd yn rhannu manylion anhysbys am y sgam gyda’r heddlu.