Sut i hawlio iawndal am gyllid car wedi’i gamwerthu

Yn dilyn penderfyniad y Goruchaf Lys yn gynharach eleni, mae'r FCA wedi cyhoeddi cynllun iawndal arfaethedig i bobl yr effeithir arnynt gan gyllid ceir wedi’i gamwerthu.

O dan y cynllun, mae'r FCA yn amcangyfrif y bydd unrhyw un sy'n gymwys i gael iawndal yn derbyn taliad cyfartalog o £700 fesul cytundeb. Mae taliadau yn debygol o ddechrau yng nghanol 2026.

Mae'r FCA wedi dweud bod cwsmeriaid sy'n cyflwyno cwyn cyn i'r cynllun ddechrau yn debygol o gael eu iawndal yn gyflymach. Gallwch wirio'r wybodaeth ddiweddaraf am hawliadau cyllid ceirYn agor mewn ffenestr newydd ar wefan yr FCA.  

Ni fydd yn rhaid i chi wneud cwyn i gael iawndal, oherwydd o dan gynllun arfaethedig yr FCA bydd angen i gwmnïau gysylltu â chwsmeriaid yr effeithir arnynt yn gofyn iddynt a ydyn nhw am optio i mewn.

Fodd bynnag, mae'r FCA hefyd wedi dweud y gallai pobl sydd eisoes wedi cwyno dderbyn eu taliadau hyd at dri mis yn gynt na'r rhai sydd heb.

Felly, ni fyddwch chi'n colli allan os nad ydych chi'n cwyno. Ond os ydych chi eisiau eich arian yn gyflymach, mae cwyno yn debygol o helpu. Bydd hefyd yn gwneud yn siŵr bod gan eich benthyciwr eich manylion cyswllt diweddaraf..     

Yn seiliedig ar gynllun iawndal arfaethedig yr FCA, rydych chi'n debygol o gael taliad os yw'ch cytundeb cyllid car yn cynnwys unrhyw un o'r canlynol, ac nad ydych wedi cael gwybod yn iawn amdano:

• trefniant comisiwn yn ôl disgresiwn (DCA)
• comisiwn annheg o uchel
• ymrwymiad cytundebol.
• Mae angen i'ch cytundeb cyllid car hefyd fod:
• wedi’i gytuno rhwng 6 Ebrill 2007 a 1 Tachwedd 2024
• naill ai yn Prynu Cytundeb Personol (PCP) neu Hurbwrcas (HP).

Roedd DCAs yn fath o gomisiwn cudd a oedd yn caniatáu i ddelwyr a broceriaid gynyddu'r comisiwn a enillwyd ganddynt trwy godi mwy ar gwsmeriaid.

Y ffordd orau o ddarganfod a oedd gan eich cytundeb DCA yw gwirio trwy eich gwaith papur cyllid car, os oes gennych ef o hyd. Os nad yw hyn yn bosibl, gallwch ofyn i'ch benthyciwr.

Hyd yn oed os na fydd eich benthyciwr yn dweud wrthych, bydd angen iddynt dalu iawndal i chi os yw'ch cytundeb yn cynnwys DCA.

Gwaharddwyd DCAs ym mis Ionawr 2021. Felly, ni fydd unrhyw gytundebau cyllid ceir a wnaed ers hynny yn cynnwys DCA.

Mae rhai cwmnïau wedi honni nad oeddent erioed wedi defnyddio DCAs. Gallwch weld rhestr o gwmnïau nad ydynt yn defnyddio DCAsYn agor mewn ffenestr newydd ar MoneySavingExpert

Byddwch yn gymwys i gael iawndal os oedd eich cytundeb yn cynnwys comisiwn a oedd dros:

• 35% o gyfanswm cost credyd, a
• 10% o'r benthyciad cyffredinol.

Fodd bynnag, ni fydd llawer o gytundebau wedi gwneud y ffigurau hyn yn glir. Gallwch naill ai:

• cysylltu â'ch deliwr cyllid car i ofyn a godwyd comisiwn uchel annheg arnoch (a chyflwyno cwyn os oeddech), neu
• aros i'r cynllun iawndal ddechrau, gan y bydd benthycwyr yn cysylltu â chwsmeriaid yr effeithir arnynt yn gofyn iddynt a ydyn nhw am optio i mewn i'w cytundeb gael ei adolygu.

Cafodd rhai cytundebau cyllid modur eu cam-werthu oherwydd bod ymrwymiad cytundebol yn bodoli. Mae hyn yn golygu bod gan y deliwr gytundeb gyda benthyciwr i gynnig eu opsiwn cyllid i chi yn unig yn hytrach na chwilio'r farchnad am fargen well.

Os na ddywedwyd wrthych am hyn, byddwch yn gymwys i gael iawndal. I ddarganfod, gallwch naill ai:

• cysylltu â'ch deliwr cyllid car i ofyn a oedd gan eich cytundeb ymrwymiad cytundebol (a chyflwyno cwyn os oeddh), neu
• aros i'r cynllun iawndal ddechrau, gan y bydd benthycwyr yn cysylltu â chwsmeriaid yr effeithir arnynt yn gofyn iddynt a ydynt am optio i mewn i'w cytundeb gael ei adolygu.

Mae'r FCA yn amcangyfrif y bydd cwsmeriaid yn derbyn £700 ar gyfartaledd fesul cytundeb cyllid ceir a gafodd ei gamwerthu.

Bydd osgoi cwmni rheoli hawliadau neu gwmni cyfreithiol yn sicrhau eich bod yn derbyn y swm llawn o arian sy'n ddyledus i chi. 

Os ydych chi'n meddwl am gwyno, mae'n syniad da defnyddio llythyr templed am ddim fel eich bod chi'n siŵr eich bod wedi cynnwys popeth sydd ei angen arnoch.

Mae templed llythyr cwyn am ddim ar gaelYn agor mewn ffenestr newydd ar wefan yr FCA.

Casglwch unrhyw wybodaeth am gyllid eich car. Yna cwynwch i'ch benthyciwr, yn ddelfrydol yn ysgrifenedig.

Bydd angen i chi gwyno i'r cwmni roeddech chi'n ei dalu bob mis. Os nad ydych chi'n siŵr pwy oedd hwnnw, gallwch wirio eich adroddiad credyd (os oedd y cytundeb yn weithredol yn ystod y chwe blynedd diwethaf) neu hen ddatganiadau banc os oes gennych nhw.

Dywedwch wrth y benthyciwr eich bod yn meddwl bod cyllid car wedi cael ei gam-werthu i chi a chynnwys cymaint o wybodaeth a sydd gennych. 

Dylech gael ymateb gan y benthyciwr i gadarnhau eu bod wedi derbyn eich cwyn o fewn wyth wythnos. Os nad ydych chi'n clywed unrhyw beth, cysylltwch â'r cwmni eto i wirio a wnaethant ei dderbyn.

Yn ddelfrydol, bydd eich benthyciwr wedyn yn ymateb i roi gwybod i chi a ydych chi'n gymwys i gael iawndal. Fodd bynnag, mae'r FCA wedi rhoi amser ychwanegol i gwmnïau ymateb i gwynion, felly efallai na fyddwch chi'n clywed yn ôl nes i'r cynllun ddechrau, sy'n debygol o fod yn gynnar yn 2026.

Gallwch gael gwybodaeth gam wrth gam ynglŷn â phryd y gallwch ddisgwyl ymatebYn agor mewn ffenestr newydd ar wefan yr FCA. 

Unwaith y bydd eich cwyn wedi'i chofnodi, ni fydd angen i chi wneud unrhyw beth mwy am y tro. Bydd eich benthyciwr yn cysylltu â chi unwaith y bydd y cynllun iawndal yn dechrau.

Mae'r FCA ar hyn o bryd yn ymgynghori ar y cynllun iawndal arfaethedig. Maen nhw'n disgwyl i'r cynllun ddechrau yn gynnar yn 2026.

Nid yw'r cynllun wedi'i gadarnhau eto, felly gallai rhai o'r amseroedd hyn newid.

Unwaith y bydd y cynllun yn dechrau, bydd eich benthyciwr yn eich gwahodd i ymuno o fewn:

• tri mis os ydych eisoes wedi cwyno – byddant yn gofyn a ydych am optio allan o'r cynllun
• chwe mis os nad ydych wedi cwyno – byddant yn gofyn a ydych chi am optio i mewn.

Ar ôl i chi ymuno â'r cynllun:

• bydd eich benthyciwr yn cadarnhau a oes iawndal yn ddyledus i chi, ynghyd â faint y byddwch chi'n ei gael, o fewn tri mis
• byddwch y swm sy’n ddyledus yn cael ei dalu i chi o fewn y 28 diwrnod nesaf.

Os nad oes gan eich benthyciwr eich manylion mwyach, efallai na fyddant yn gallu cysylltu â chi. Bydd angen i chi gysylltu â nhw yn lle, a bydd angen i chi wneud hyn o fewn blwyddyn i'r cynllun ddechrau. 

Mae twyllwyr wedi cysylltu a rhai pobl sy'n esgus eu bod o fenthycwyr cyllid ceir. Byddant yn cynnig iawndal ffug fel ffordd o dwyllo pobl i roi eu manylion personol.

Nid yw'r cynllun iawndal wedi dechrau eto, felly mae unrhyw un sy'n cysylltu â chi i gynnig taliad yn sgamiwr.

I ddysgu mwy am beth i wylio allan amdano, edrychwch ar ein canllaw Ydw i'n cael fy nhwyllo? Sut i ddweud a ydych chi wedi cael eich targedu.