Yswiriant car - sut ddylai polisi da edrych?

Sicrwydd ffenestr flaen

Mae’n golygu y bydd eich ffenestr flaen yn cael ei thrwsio neu ei hamnewid heb effeithio ar eich bonws dim hawliad. Mae hyn yn aml yn cael ei gynnwys o fewn sicrwydd cynhwysfawr ond gall gael ei brynu fel ychwanegiad ar gyfer polisïau trydydd parti.

Hyd at werth ar y farchnad

Gallai gynnwys daliad ychwanegol bach ar gyfer trwsio neu amnewid.

Byddwch yn ymwybodol efallai na fydd ffenestri a thoeau haul yn cael eu cynnwys.

Ac os defnyddiwch atgyweiriwr anghymeradwy gall eich cwmni yswiriant gyfyngu ar y swm y byddant yn ei dalu os digwydd hawliad.

Meddiannau personol

Yn cynnwys colled neu ddifrod i’ch meddiannau personol yn sgil damwain, tân neu ladrad tra’u bod yn eich car. Er enghraifft, bagiau neu dechnoleg megis camera dashfwrdd.

£200 neu fwy

Noder na chynhwysir arian, cardiau credyd neu ddebyd, stampiau a thocynnau fel arfer.

Ni chynhwysir lladrad eitemau a gludir mewn car agored neu gar codi to, oni bai y’i cedwir mewn cist dan glo.

Colled neu ladrad allweddau

Os yw’r allweddau i’ch car, taniad, larwm, llonyddwr, clo llywio neu agorydd drws eich garej yn cael eu colli neu ddwyn bydd yr yswiriwr yn talu tuag at y gost o gyfnewid yr allweddau a’r cloeon cysylltiedig.

£300 neu fwy

Nodwch na fydd sicrwydd gennych os yw’r allweddau, trosglwyddydd y clo neu gerdyn mynediad yn cael eu gadael yn y car neu arno ar adeg y golled, neu’n cael eu cymryd heb eich caniatâd gan aelod o’ch teulu uniongyrchol neu berson sy’n byw yn eich cartref

Disgownt dim hawliad diogeledig

Mae’n diogelu eich disgownt dim hawliad ac yn sicrhau nad ydych yn ei golli yn sgil gwneud hawliad.

Y dewis o’i ychwanegu at eich polisi neu ei gynnwys fel rhan safonol o’r polisi yn caniatáu hyd at ddau hawliad o fewn cyfnod o dair blynedd

Mae terfynau ar y nifer o hawliadau y caniateir i chi eu gwneud mewn cyfnod penodol o amser – mae angen i chi wirio’r hyn a ganiateir gan eich cwmni..

Sicrwydd achub car

Os ydych yn cael damwain sy’n peri na all eich car symud, bydd y cwmni yswiriant yn talu am y gost o symud y cerbyd o leoliad y ddamwain.

Y costau rhesymol ar gyfer symud y cerbyd o leoliad y ddamwain at yr atgyweiriwr agosaf.

Caiff hyn ei gynnwys o fewn sicrwydd cynhwysfawr.

Car cwrteisi gwarantedig

Os ydych yn cael damwain ac mae angen atgyweirio’ch cerbyd, yna darperir car arall i chi i’ch cadw ar y ffordd tra byddwch yn aros am eich car chi.

Y dewis o’i ychwanegu at eich polisi neu ei gynnwys fel rhan safonol o’r polisi

Gall hwn gael ei gyfyngu i nifer benodol o ddiwrnodau er enghraifft 14 i 28 diwrnod.

Yn aml, pan fydd eich car yn cael ei drwsio yn y garej yn unig y gallwch chi gael car cwrteisi, ac nid pan fydd wedi cael ei ddiddymu. Gallwch ddewis sicrwydd sy’n cynnig car cwrteisi i chi am yr holl amser y bydd eich car yn cael ei drwsio. Gwiriwch eich telerau ac amodau.

Cyfnewid am gar newydd

Os caiff eich cerbyd ei ddwyn ac ni chaiff ei ddarganfod, neu os yw wedi’i ddifrodi ar ôl cael damwain, bod ar dân neu gael ei ddwyn – a bod y gost i’w drwsio dros canran penodol o bris manwerthu cymeradwy’r gwneuthurwr – efallai y bydd y cwmni yswiriant yn cyfnewid eich car am un o’r un fath neu dalu gwerth farchnad eich car.

60% o bris y rhestr ac o fewn 12 mis o fod yn newydd

Nodwch na fydd sicrwydd gennych os nad chi yw perchennog cofrestredig cyntaf y cerbyd neu os nad oes car i’w gyfnewid ar gael yn y DU.

Bydd rhaid i’r car fod o dan oedran penodol – fel arfer 12 i 24 mis.

Cludiant damwain

Os ydych yn cael damwain sy’n peri na all eich car symud, bydd y cwmni yswiriant yn trefnu i chi a’ch teithwyr gael cludiant i ffwrdd o leoliad y ddamwain.

Sicrwydd am hyd at saith o deithiwr yn rhan safonol ohono

Mae rhai yswirwyr yn cyfyngu ar y nifer o deithwyr a gaiff gludiant

Treuliau gwesty

Yn sgil damwain pan na allwch barhau ar eich taith neu fynd adref, bydd y cwmni yswiriant yn talu am gost gwesty i chi a’ch teithwyr.

£250 neu fwy

Unrhyw gostau dros y terfyn a osodwyd i bob person

Llinell gymorth 24 awr

Yn darparu llinell gymorth 24 awr y gallwch ei ffonio os digwydd argyfwng.

Darperir llinell gymorth argyfwng fel rhan safonol ohono

Car cwrteisi colled llwyr

Os yw eich car wedi’i ddifrodi y tu hwnt i atgyweirio rhesymol, bydd yr yswiriwr yn darparu car cwrteisi i chi tra bod eich hawliad yn cael ei setlo.

Y dewis o’i ychwanegu at eich polisi neu ei gynnwys fel rhan safonol ohono

Am gyfnod cyfyngedig y caiff y car ei ddarparu - yn amrywio rhwng 2 a 28 diwrnod

Treuliau cyfreithiol

cymorth cyfreithiol i adennill eich ‘colledion di-yswiriant’ yn sgil damwain nad achoswyd gennych chi. Er enghraifft, hawliadau am anafiadau personol, hurio car neu dreuliau y gallech eu tynnu o ganlyniad i’r ddamwain.

Y dewis o’i ychwanegu at eich polisi neu ei gynnwys fel rhan safonol o’r polisi

Ni fydd sicrwydd gennych am gostau cyfreithiol nad yw’ch cwmni yswiriant wedi cytuno arnynt o flaen llaw

Sicrwydd torri i lawr

Yn darparu cymorth os yw’ch car yn torri i lawr a bod angen ei atgyweirio neu fynd ag ef i garej.

Y dewis o’i ychwanegu at eich polisi neu ei gynnwys fel rhan safonol o’r polisi

Gwnewch yn siŵr nad ydych yn dyblu i fyny os oes gennych sicrwydd torri i lawr ar wahân.

Nid oes sicrwydd am gyfrannau newydd.

Gyrru tramor

Yn darparu’r un lefel o sicrwydd a fydd gennych -  cynhwysfawr, trydydd parti tân a lladrad, neu drydydd parti - pan ydych yn gyrru’ch car tramor.

Y dewis o’i ychwanegu at eich polisi neu ei gynnwys fel rhan safonol ohono

Caiff y sicrwydd hwn ei gynnwys mewn polisïau cynhwysfawr yn aml.

Ni fydd sicrwydd mewn gwledydd sydd heb eu rhestrir o fewn y polisi. Efallai y bydd sicrwydd ar gael ar wahân, ond mae’n rhaid i chi gysylltu â’ch yswiriwr i gael cadarnhad.

Sedd gar plentyn

Yn sgil damwain, tân neu ladrad caiff eich sedd gar plentyn ei chyfnewid

Yn cael ei chyfnewid heb ystyried a oedd wedi’i difrodi yn y ddamwain neu beidio

Dim ond os bydd difrod gweladwy neu hyd at swm ariannol penodol y bydd rhai polisïau’n cyfnewid y sedd gar.

Car cwrteisi gwell

Yn sgil damwain, fel arfer bydd yswirwyr yn darparu car cwrteisi bach. Bydd y sicrwydd hwn yn rhoi’r opsiwn i wella’r math o gar cwrteisi i un mwy neu gerbyd o faint cyfwerth â’ch cerbyd eich hunan.

Y dewis o’i ychwanegu at eich polisi neu ei gynnwys fel rhan safonol ohono

Ar rai polisïau, caiff defnydd o’r car ei gyfyngu i nifer benodol o ddiwrnodau – rhwng 14 a 28 diwrnod.

Gallwch ddewis i uwchraddio’r car cwrteisi y cewch trwy ddefnyddio cwmni llogi trydydd parti. Bydd tâl ychwanegol am hyn.

Tâl dros ben difrod damweiniol

Swm o arian mae’n rhaid i chi ei dalu os digwydd hawliad am ddifrod damweiniol.

£250 neu lai

Gall hyn gostio mwy os oes gennych chi gar pwerus, os ydych chi’n yrrwr ifanc neu os oes gennych chi euogfarnau gyrru.

Tâl dros ben cyfnewid ffenestr flaen

Swm o arian mae’n rhaid i chi ei dalu os digwydd hawliad am gyfnewid ffenestr flaen.

£50-100 fel arfer

Gallai rhai cwmnïau yswiriant godi tâl yn llai am drwsio o’i gymharu ag amnewid cyfan. Ni fydd yr hawliadau hyn yn effeithio ar eich bonws dim hawliad os ydych chi wedi talu am sicrwydd ffenestr flaen.