Os nad ydych chi'n siŵr sut i dalu am ofal, fel ffioedd cartrefi gofal, mae'n werth cael cyngor ariannol. Darganfyddwch sut y gallai ymgynghorydd rheoledig gydag arbenigedd mewn ffioedd gofal helpu, faint maen nhw'n ei gostio a ble i ddod o hyd i'r un iawn.
Beth yw ymgynghorydd ffioedd gofal arbenigol?
Mae’n syniad da siarad ag ychydig o ymgynghorwyr ariannol i weld a ydyn nhw’n iawn i chi. Bydd y rhan fwyaf yn cynnig ymgynghoriad cychwynnol am ddim i chi, sy'n gyfle gwych i ofyn rhai cwestiynau.
Wrth gynllunio ar gyfer costau gofal hirdymor, gall ymgynghorydd ffioedd gofal arbenigol roi cyngor ariannol diduedd i chi neu’ch anwylyd.
Gallant eich helpu i ddod o hyd i ffordd o ariannu eich gofal hirdymor sy’n:
- addas i'ch anghenion
- fforddiadwy, a
- cyd-fynd â'ch goddefgarwch risg a'ch nodau ariannol.
Byddant yn esbonio costau a risgiau pob opsiwn ac yn helpu gyda thasgau fel gwneud ewyllys neu atwrneiaeth a chynghori ar fudd-daliadau a chymorth sydd ar gael gan y GIG neu awdurdod lleol ar gyfer eich costau gofal.
Os ydych chi eisiau archwilio eich opsiynau cyn cael cyngor proffesiynol, darllenwch ein canllawiau:
Ble i gael cymorth a chyngor am ddim ar ofal
| Os ydych chi'n byw yn: | Dewch o hyd i gymorth a chyngor am ddim: |
|---|---|
|
Lloegr |
|
|
Cymru |
cysylltwch ag Age CymruOpens in a new window neu Independent AgeOpens in a new window |
|
Yr Alban |
cysylltwch ag Age ScotlandOpens in a new window neu Independent AgeOpens in a new window |
|
Gogledd Iwerddon |
cysylltwch â Age NIOpens in a new window |
Pam y gallai fod angen ymgynghorydd ffioedd gofal arbenigol arnoch
Gall fod yn anodd deall y rheolau a’r opsiynau ar gyfer talu am ofal hirdymor heb arweiniad arbenigol. Mae rhai opsiynau, fel rhyddhau ecwiti, angen cyngor ymlaen llaw oherwydd eu bod yn gymhleth.
Er nad oes rhaid i chi ddilyn y cyngor, mae'n ddoeth ei ystyried yn ofalus. Gall cynnwys eich teulu yn y trafodaethau hyn fod yn ddefnyddiol hefyd. Fel hyn, maen nhw'n deall eich sefyllfa a gallant eich cefnogi yn y penderfyniadau a wnewch.
Beth i'w ddisgwyl gan ymgynghorydd ffioedd gofal arbenigol
Mae ymgynghorwyr ffioedd gofal arbenigol yn cael eu rheoleiddio gan yr Awdurdod Ymddygiad Ariannol (FCA). Rhaid iddynt ddilyn rheolau a sicrhau bod unrhyw gynnyrch y maent yn ei awgrymu yn addas i chi.
Yn wahanol i rai ymgynghorwyr sy'n gysylltiedig â darparwyr penodol, gall ymgynghorwyr ffioedd gofal arbenigol argymell cynhyrchion gan unrhyw gwmni. Mae ganddynt gymwysterau arbenigol i helpu gyda materion y gallai fod yn rhaid i chi eu hystyried wrth ariannu gofal hirdymor.
Os oes angen gofal arnoch, bydd ymgynghorydd arbenigol yn gofyn cwestiynau i ddeall eich sefyllfa fel:
- os ydych yn briod
- sut mae eich iechyd presennol
- ble mae'ch teulu a'ch ffrindiau'n byw
- beth yw eich anghenion gofal, ac
- os oes gennych alluedd meddyliol i wneud penderfyniadau.
Byddant hefyd eisiau gwybod am eich cyllid ac unrhyw gynlluniau sydd gennych eisoes, megis:
- os ydych yn berchen ar eich cartref
- os oes gennych unrhyw asedau eraill, fel cyfranddaliadau neu fuddsoddiadau eraill sy'n agored i Dreth Enillion Cyfalaf
- os oes gennych unrhyw ddyledion
- pa mor gyfforddus y byddech chi pe bai buddsoddiadau'n colli arian, ac
- os oes gennych unrhyw ddyfynbrisiau ar gyfer cost gofal yn y cartref neu mewn cartref gofal.
Byddant yn argymell cynhyrchion a gwasanaethau sy'n gweddu i'ch anghenion ac yn ysgrifennu'r cyfan i chi.
Faint fydd cyngor yn ei gostio?
Gall cost cyngor ariannol amrywio yn seiliedig ar:
- lle rydych chi'n byw
- pa mor gymhleth yw eich sefyllfa, ac
- y math o gyngor a chynhyrchion a argymhellir.
Efallai y bydd y ymgynghorydd yn codi cyfradd fesul awr, ffi sefydlog ar gyfer adolygiad neu gynllun untro, neu ffi yn seiliedig ar werth eich asedau.
Rhaid i'r ymgynghorydd ddweud wrthych sut mae eu costau’n gweithio a faint y byddwch chi'n ei dalu cyn i chi ymrwymo, a dylech dderbyn dyfynbris yn ysgrifenedig.
Felly, mae'n syniad da cael ychydig o ddyfynbrisiau gwahanol. Mae'r rhan fwyaf o ymgynghorwyr ariannol yn cynnig ymgynghoriad cychwynnol am ddim i chi, sy'n gadael i chi ofyn rhai cwestiynau. Mae hefyd yn rhoi cyfle i chi weld sut maen nhw'n gweithio ac os ydych chi'n teimlo'n gyfforddus gyda nhw.
Am ragor o wybodaeth gweler ein canllaw Faint mae ymgynghorydd ariannol yn ei gostio?
Chwilio am ymgynghorwyr rheoledig gydag arbenigedd mewn ffioedd gofal
Mae cyfeiriaduron ar-lein yn caniatáu ichi chwilio am ymgynghorwyr rheoledig gydag arbenigedd mewn ffioedd gofal sydd yn agos atoch chi. Mae gan bob cyfeiriadur nodweddion ychydig yn wahanol, felly rhowch gynnig ar rai i weld pa un sydd orau gennych.
| Cyfeiriadur ar-lein | Sut mae'n gweithio |
|---|---|
|
Yn arbenigo mewn ymgynghorwyr achrededig sy'n deall anghenion ariannol yn ddiweddarach mewn bywyd. Gallwch chwilio yn ôl lleoliad a math o gyngor, gan gynnwys talu am ofal a rhyddhau ecwiti. |
|
|
Yn gadael i chi chwilio yn ôl math o gyngor, dull cyswllt a lleoliad neu gallwch ddewis cael eich paru âg ymgynghorydd. Gallwch chwilio yn ôl math o gyngor, gan gynnwys gofal hirdymor. |
|
|
Yn cael ei redeg gan y corff proffesiynol ar gyfer cynllunio ariannol yn y DU, gallwch chwilio yn ôl lleoliad, meysydd arbenigedd a dull cyswllt. I ddod o hyd i arbenigwr bywyd diweddarach, ticiwch y blwch sydd wedi'i farcio "Later Life Advice Specialist". |
Cofiwch, mae'n syniad da cael dyfynbrisiau lluosog a siarad ag ychydig o ymgynghorwyr i weld a ydyn nhw'n iawn i chi.
Gallwch gadarnhau eich bod wedi dod o hyd i ymgynghorydd rheoledig trwy wirio Cofrestr Gwasanaethau Ariannol yr FCA i wirio eu bod wedi'u hawdurdodi i ddarparu cyngorYn agor mewn ffenestr newydd a bod eu manylion cyswllt yn ddilys.
Byddwch yn ymwybodol, os nad ydych chi'n ceisio cyngor ariannol ac nad yw'r cynnyrch rydych chi'n ei ddewis yn iawn i chi, efallai y bydd gennych lai o reswm i gwyno neu ofyn am iawndal yn nes ymlaen.
Sut i wneud cwyn os aiff pethau o’i le
Os byddwch yn cael cyngor ac yn darganfod yn ddiweddarach nad oedd y cynnyrch yn addas, efallai y byddwch yn gallu hawlio iawndal am gam-werthu. Er enghraifft, os gwerthwyd bond buddsoddi i chi a oedd yn cloi eich arian i ffwrdd, ond bod angen mynediad iddo.
Bydd gan bob ymgynghorydd ffioedd gofal arbenigol weithdrefn gwyno ffurfiol i'w dilyn. Fel arfer gallwch ddod o hyd i hwn yn eu telerau ac amodau. Bydd gennych hefyd yr hawl i wneud cwyn i Wasanaeth yr Ombwdsmon Ariannol.
