Help os ydych yn cael trafferth talu Treth Cyngor

Mae gan bob cyngor gynllun i'ch helpu i reoli'ch taliadau felly cysylltwch â'ch cyngor lleol cyn gynted â phosib. Os arhoswch nes eich bod wedi methu taliadau, gallai gyfyngu ar yr help y gallant ei gynnig i chi.

• Yng Nghymru a Lloegr, dewch o hyd i'ch cyngor lleolYn agor mewn ffenestr newydd ar wefan GOV.UK
• Yn yr Alban, dewch o hyd i'ch cyngor lleolYn agor mewn ffenestr newydd ar wefan mygov.scot
• Yng Ngogledd Iwerddon, dewch o hyd i'ch cyngor lleolYn agor mewn ffenestr newydd ar wefan nidirect

Pan fyddwch yn cysylltu â nhw, eglurwch eich sefyllfa er mwyn gweld a yw’n bosibl gweithio allan cynllun talu newydd cyn i chi fethu taliad.

Dyma rai enghreifftiau o gymorth y gellir eu cynnig:

• cynlluniau talu hyblyg – er enghraifft, gallwch ofyn am wasgaru taliadau dros 12 mis yn hytrach na 10 mis, sy’n golygu y byddwch yn gwneud taliadau llai bob mis
• Egwyl Treth Gyngor neu Ardrethi – er enghraifft, fel arfer gallwch ofyn am dalu 10 rhandaliad misol uwch yn hytrach na 12, felly does dim rhaid i chi dalu unrhyw beth ym mis Chwefror a mis Mawrth
• Gostyngiadau y Dreth Gyngor, Rhyddhad Ardrethi neu Ad-daliad Ardrethi os ydych ar fudd-daliadau neu ar incwm isel
• Gostyngiadau y Dreth Gyngor neu Disgownt Ardrethi os ydych yn byw ar eich pen eich hun neu os mai chi yw'r unig oedolyn yn y cartref.

Os ydych wedi cael sioc incwm, gallech fod â hawl i gefnogaeth y llywodraeth. Os ydych yn cael trafferthion ariannol, mae'n bwysig eich bod yn hawlio unrhyw help ychwanegol y gallwch.

Hyd yn oed os yw eich cyllid ar y trywydd iawn nawr, gallai eich incwm newid. Efallai eich bod yn hunangyflogedig ac mae gennych incwm cyfnewidiol. Gallai hyn olygu dyfodol ansicr.

Efallai y bydd angen i chi adolygu'ch cyllid fel y gallwch dalu am eich ad-daliadau. Mae'n ddefnyddiol llunio cyllideb. Os oes gennych ychydig mwy yn mynd allan na dod i mewn, efallai y gallwch ail-weithio sut rydych yn gwario'ch arian.

Os ydych eisoes wedi methu taliad Treth Cyngor, mae hyn yn golygu eich bod mewn ‘ôl-ddyledion’.

Cysylltwch â'ch cyngor cyn gynted â phosibl i roi gwybod iddynt fod eich incwm wedi newid, a'ch bod yn cael trafferth talu am eich biliau.

Yn ogystal â dod i drefniant ar yr arian sy'n ddyledus iddynt, dylech hefyd siarad am filiau'r dyfodol – yn enwedig os ydych yn meddwl y gallech gael trafferth i’w talu.

Gwnewch gyllideb, cyfrifwch pa arian sydd gennych ar ôl ar ei ôl, a gofynnwch i'r cyngor am help.

Gallai cyngor dyled am ddim a chyfrinachol roi rhywfaint o help i chi os:

• ydych chi wedi methu taliad
• ydych chi’n meddwl eich bod chi’n mynd i golli taliad neu
• ydych chi’n jyglo dyledion eraill.

Gallwch ddefnyddio ein teclyn lleolwr cyngor ar ddyledion am ddim i ddod o hyd i gyngor dyled am ddim a chyfrinachol ar-lein, dros y ffôn neu’n agos at le rydych chi’n byw

Mae’n bwysig talu rhai dyledion cyn eraill. Mae hyn oherwydd bod rhai yn fwy brys ac mae gan rai benthycwyr fwy o rym nag eraill.

Gallai cael problemau iechyd meddwl olygu eich bod yn cael trafferth gwneud y penderfyniadau gorau yn seiliedig ar arian i chi, yn ogystal â gweithredu arnynt.

Cofiwch, os ydych yn cael trafferthion ariannol ac â'ch lles meddyliol, mae'n werth cysylltu â'ch banc, cymdeithas adeiladu, benthyciwr neu bwy bynnag mae arnoch arian iddynt, i drafod eich opsiynau.

Fodd bynnag, yn aml mae'n haws dweud na chodi'r ffôn a siarad am eich problemau pan rydych yn cael trafferth â'ch iechyd meddwl. 

Mae gan y rhan fwyaf o leoedd y mae gennych arian yn ddyledus iddynt bolisïau ynglŷn â'ch cefnogi os ydych yn agored i niwed. Ond ni allant eich helpu oni bai eich bod yn gofyn.