Sut i gwyno am oedi i’ch pensiwn

Mae'n debygol y bydd eich darparwr pensiwn yn rhestru ei amserlenni gweithio ar-lein – yn aml, gelwir rhain yn 'safonau gwasanaeth'. Os na allwch ddod o hyd iddynt, gofynnwch i'ch darparwr pensiwn anfon copi atoch.

Caniateir i ddarparwyr bennu rhai o'r terfynau amser eu hunain, ar yr amod bod y cyfnod aros yn 'rhesymol', ond mae cyfyngiadau amser cyfreithiol y mae'n rhaid iddynt eu bodloni ar gyfer rhai ceisiadau.

Dylai eich darparwr pensiwn ddweud wrthych os na all fodloni'r terfyn amser ac egluro pam, gan y gallai fod rhesymau dilys dros yr oedi.

Er enghraifft, os ydych yn trosglwyddo'ch pensiwn i ddarparwr newydd, byddant yn gwirio i sicrhau nad yw'n sgam. Gallai hyn olygu bod eich trosglwyddiad yn cael ei oedi neu ei stopio nes eich bod wedi cael apwyntiad Canllaw Diogelu Pensiwn.  

Os nad ydych yn fodlon ar ba mor hir y mae pethau'n cymryd, gallwch gwyno i'ch darparwr pensiwn.

Os oes gennych bensiwn gweithle cyfraniadau wedi’u diffinio, fel arfer bydd yn rhaid i’ch cyflogwr roi eich cyfraniadau pensiwn misol i’ch cynllun pensiwn erbyn yr:

• 22ain o’r mis canlynol, neu’r

• 19eg os ydynt yn talu drwy siec.

Mae hyn yn gymwys ar gyfer unrhyw gyfraniadau pensiwn sy’n cael eu cymryd o’ch tâl. Efallai y bydd gan eich cyflogwr reolau gwahanol ar gyfer eu cyfraniadau eu hunain. 

I ddarganfod pryd y caiff eich cyfraniadau eu gwneud, gwiriwch ddatganiad eich pensiwn ar-lein neu gofynnwch i’ch darparwr pensiwn am gopi drwy’r post neu e-bost.

Os nad yw'ch cyflogwr yn talu'ch cyfraniadau ar amser, neu o gwbl, gofynnwch i'ch cyflogwr ymchwilio i'r mater a'i gywiro. Fel arfer, mae'n well gwneud hyn yn ysgrifenedig er mwyn i chi allu cadw cofnod.

Pan fyddwch yn barod i hawlio'ch pensiwn, bydd eich darparwr pensiwn fel arfer yn anfon gwaith papur atoch i'w gwblhau. Gwnewch yn siŵr eich bod yn cwblhau popeth yn gyflym a bob amser yn gwirio ddwywaith am wallau, yn enwedig eich manylion banc, oherwydd gall camgymeriadau achosi oedi.

Fel arfer bydd angen i chi ddarparu ID, fel pasbort neu drwydded yrru, fel y gall eich darparwr pensiwn sicrhau ei fod yn talu'r person cywir. Mae'n werth gofyn pa ID y bydd eich darparwr pensiwn yn ei dderbyn ymlaen llaw, fel y gallwch gasglu unrhyw beth nad oes gennych.

Ni fyddwch yn cael eich Pensiwn y Wladwriaeth yn awtomatig – mae'n rhaid i chi wneud cais. Dysgwch sut i wneud cais am eich Pensiwn y Wladwriaeth yn ein canllaw Pensiwn y Wladwriaeth: sut mae'n gweithio.

Weithiau, gall oedi eich cais am Bensiwn y Wladwriaeth gynyddu eich taliadau. Gelwir hyn yn Bensiwn y Wladwriaeth wedi’i ohirio. Am fwy o wybodaeth, gweler ein canllaw ar ohirio eich Pensiwn y Wladwriaeth.

Os ydych eisoes yn cael eich Pensiwn y Wladwriaeth a bod eich taliadau wedi'u hoedi, cysylltwch â:

• Gwasanaeth Pensiwn os ydych yn byw yng Nghymru, Lloegr neu'r AlbanYn agor mewn ffenestr newydd  
• Canolfan Bensiwn Gogledd Iwerddon os ydych yn byw yng Ngogledd IwerddonYn agor mewn ffenestr newydd
• Canolfan Bensiwn Ryngwladol os ydych yn byw dramorYn agor mewn ffenestr newydd

Gallwch gwyno am eich darparwr pensiwn am unrhyw reswm, dyma sut:

1. Dywedwch wrth eich darparwr pensiwn pam rydych yn anhapus a beth rydych  am iddynt wneud i gywiro pethau. Gallai hyn gynnwys gofyn am iawndal am oedi, yn enwedig os ydych wedi colli arian o ganlyniad. Gallwch ddod o hyd i fanylion cyswllt pensiwnYn agor mewn ffenestr newydd yn GOV. UK.
2. Arhoswch hyd at wyth wythnos i'ch darparwr pensiwn ymchwilio ac ymateb.
3. Ewch â'ch cwyn i'r Ombwdsmon PensiynauYn agor mewn ffenestr newydd os ydych yn anhapus ag ymateb terfynol eich darparwr pensiwn, neu ar ôl i wyth wythnos fynd heibio.

Am fwy o wybodaeth a chymorth, gweler ein canllawiau:

• Sut i gwyno am broblem gyda'ch pensiwn
• Sut i hawlio iawndal am broblem bensiwn neu gyngor gwael