Tynnu pensiwn i lawr yn raddol neu’n rhannol wedi’i egluro

Os oes gennych bensiwn cyfraniadau wedi'i ddiffinio, mae ei roi i mewn i drefniant tynnu pensiwn i lawr yn eich caniatáu i:

• gymryd hyd at 25% fel cyfandaliad di-dreth ar y dechrau
• cadw'r gweddill wedi'i fuddsoddi fel y gall elwa o dwf buddsoddiad
• cymryd arian trethadwy pan fo’i angen arnoch. 

Gallwch naill ai ddewis symud eich pensiwn i mewn i drefniant tynnu pensiwn i lawr:

• mewn un tro, neu
• yn raddol dros amser – a elwir yn tynnu pensiwn i lawr yn raddol neu’n rhannol.

Nid oes rhaid i chi gymryd y 25% llawn yn ddi-dreth na chymryd unrhyw beth o gwbl. Po fwyaf y byddwch chi'n ei gymryd nawr, y lleiaf fydd gennych chi i roi incwm i chi yn ddiweddarach. 

Yr uchafswm y gallwch ei gymryd yn ddi-dreth o'ch holl bensiynau yw £268,275 i'r rhan fwyaf o bobl, a elwir yn lwfans cyfandaliad

Yn lle ymrwymo eich cyfandaliad pensiwn cyfan i dynnu pensiwn i lawr, mae tynnu pensiwn i lawr yn raddol yn eich caniatáu i:

• drosglwyddo meintiau llai dros amser
• cymryd hyd at 25% o bob rhan yn ddi-dreth. 

Mae hyn yn golygu bod gennych yr opsiwn i gymryd arian di-dreth dros amser, nid dim ond y tro cyntaf y byddwch yn rhoi eich pensiwn i mewn i dynnu pensiwn i lawr.  

Gallai hyn fod o fudd i chi os ydych am gymryd arian di-dreth ond nid oes ei angen arnoch pan fyddwch yn ymddeol yn gyntaf, fel bod y swm hwnnw’n gallu aros wedi’i fuddsoddi yn eich pensiwn nes bod ei angen arnoch mewn gwirionedd.

Er enghraifft, os yw eich pensiwn ar hyn o bryd yn werth dros £20,000, gallech symud £10,000 i mewn i dynnu pensiwn i lawr heb gymryd unrhyw swm di-dreth. Yna, ar ddyddiad diweddarach, symud £7,500 i mewn i dynnu pensiwn i lawr a chymryd £2,500 fel cyfandaliad di-dreth – ac yn y blaen

Drwy symud meintiau llai i mewn i dynnu pensiwn i lawr, efallai y byddwch yn gallu lledaenu’r hyn a gymerwch ar draws gwahanol flynyddoedd treth. Gall hyn eich helpu i osgoi symud i fand Treth Incwm uwch.

Gallwch weld bandiau Treth IncwmYn agor mewn ffenestr newydd a Bandiau Treth Incwm yr AlbanYn agor mewn ffenestr newydd ar GOV.UK.  

Mae hyn yn gweithio yn yr un modd â'r opsiwn i gymryd eich pensiwn fel cyfandaliad lluosog, lle mae 25% yn cael ei dalu'n ddi-dreth a'r gweddill yn drethadwy

Pan fyddwch chi'n talu i mewn i bensiwn, mae'r llywodraeth fel arfer yn ychwanegu taliad ychwanegol o'r enw rhyddhad treth. Dyma'r arian y byddech fel arfer yn ei dalu mewn Treth Incwm. 

Fel arfer, gallwch gael rhyddhad treth ar eich holl gyfraniadau pensiwn hyd at y lwfans blynyddol. I'r rhan fwyaf o bobl, mae hyn yn golygu:  

• rhaid i’ch cyfraniadau fod yn llai na (neu’n gyfartal â)’r swm rydych yn ei ennill, a
• rhaid i gyfraniadau gennych chi a’ch cyflogwr, gan gynnwys rhyddhad treth, fod yn llai na £60,000.  

Ond os ydych chi'n cymryd arian trethadwy o'ch pensiwn cyfraniadau wedi’u diffinio (fel cymryd sawl cyfandaliad neu arian o gronfa tynnu pensiwn i lawr), mae'r terfyn o £60,000 yn gostwng i £10,000. Gelwir hyn yn lwfans blynyddol prynu arian (MPAA).  

Os ydych yn defnyddio tynnu pensiwn i lawr yn raddol i dynnu’ch cyfandaliadau di-dreth yn unig ac yn gadael y rhan drethadwy wedi’i buddsoddi, ni fyddwch yn sbarduno’r MPAA.

Byddwch yn ymwybodol os ydych chi'n cymryd arian di-dreth o bensiwn a'i ddefnyddio i gynyddu eich cyfraniadau yn ôl i bensiwn yn sylweddol, gallai hyn dorri rheolau ailgylchu pensiwnYn agor mewn ffenestr newydd

Os bydd hynny’n digwydd, fel arfer bydd yn rhaid i chi dalu treth sy’n werth hyd at 55% o’r cyfandaliad di-dreth a gawsoch

Bob tro y byddwch yn symud arian i mewn i drefniant tynnu pensiwn i lawr, fel arfer byddwch yn talu ffioedd trafodion neu dynnu arian. Os yw’r rhain yn uchel, gall symud meintiau bach i mewn yn rheolaidd fod yn gostus.

Mae hefyd yn werth ystyried:

• nid yw eich incwm ymddeol wedi'i warantu, gan y gall eich pensiwn a fuddsoddwyd godi neu ostwng nes i chi gymryd yr arian.
• mae angen cynllunio’n ofalus i sicrhau bod eich arian yn para drwy gydol eich ymddeoliad
• efallai y bydd angen newid y ffordd mae’ch pensiwn wedi’i fuddsoddi fel na fyddwch yn colli allan ar dwf posibl
• gall incwm uwch effeithio ar eich hawl i fudd-daliadau
• efallai y bydd eich incwm pensiwn yn cael ei hawlio i ad-dalu dyledion
• gellir etifeddu arian sydd ar ôl yn eich pensiwn heb dreth os byddwch yn marw cyn 75 oed. 

Am ragor o wybodaeth gweler ein canllaw llawn am dynnu pensiwn i lawr

Mae rhoi eich pensiwn i mewn i drefniant tynnu pensiwn i lawr yn un ffordd o dynnu arian o’ch pensiwn cyfraniadau wedi’u diffinio.  

Gallwch hefyd ddewis: 

• cymryd eich pensiwn mewn un neu fwy o gyfandaliadau, gyda 25% o bob swm yn ddi-dreth
• cymryd rhywfaint o arian di-dreth (hyd at 25%) a throsi’r gweddill yn incwm gwarantedig drwy brynu blwydd-dal. 

Mae’n werth gofyn i’ch darparwr pensiwn a oes unrhyw nodweddion arbennig cyn cymharu’ch opsiynau.

Er enghraifft, efallai y bydd eich pensiwn yn cynnig cyfraddau blwydd-dal gwarantedig a fyddai’n rhoi incwm gwarantedig uwch i chi nag y gallech ei brynu ar y farchnad agored.

I gael rhagor o wybodaeth am eich holl opsiynau, gweler ein canllaw Beth allaf ei wneud gyda fy nghronfa bensiwn?

Rydym hefyd yn cynnig apwyntiadau arweiniad Pension Wise am ddim a diduedd i esbonio eich opsiynau pensiwn

Os yw tynnu pensiwn i lawr yn addas i chi, mae rhai camau i’w cymryd:

1. Cymharwch ddarparwyr i ddod o hyd i’r fargen orau – efallai na fydd eich darparwr pensiwn presennol yn cynnig tynnu pensiwn i lawr yn raddol, yn codi ffioedd uchel, yn gosod isafswm symiau y mae'n rhaid i chi eu rhoi mewn i bensiwn i lawr neu opsiynau buddsoddi cyfyngedig.
2. Gwnewch gynllun ar gyfer tynnu arian o'ch pensiwn i ostwng y swm o dreth y byddwch chi'n ei dalu.
3. Gwiriwch fod y swm cywir o dreth wedi’i dynnu, gan fod darparwyr yn aml yn defnyddio codau treth brys neu dros dro pan fyddwch yn cymryd cyfandaliad. 
4. Gwiriwch werth eich pensiwn a fuddsoddwyd yn rheolaidd, pa mor dda mae'n perfformio ac a oes angen i chi newid sut mae'n cael ei fuddsoddi neu sut rydych chi'n cymryd yr arian.

Am wybodaeth lawn, gweler Sut i dynnu eich pensiwn i lawr.

Peidiwch â chyrchu’ch pensiwn nac anfon unrhyw arian at ddarparwr pensiwn oherwydd galwad diwahoddiad, ymweliad, e-bost neu neges destun. Mae’n debygol o fod yn sgam wedi’i chynllunio i ddwyn eich arian.

Efallai y byddwch yn colli eich holl gynilion ymddeol ac yn gorfod talu bil treth drud.
Efallai y byddwch yn colli’ch holl gynilion ymddeol ac yn gorfod talu bil treth drud. Am ragor o wybodaeth, gweler ein canllaw Sut i adnabod twyll pensiwn

Os oes gennych unrhyw gwestiynau am eich pensiwn, gall ein harbenigwyr pensiwn eich helpu – does dim ots am eich oedran.  

HGall sut rydych chi'n dewis cymryd eich pensiwn effeithio ar ba mor gyfforddus yw eich ymddeoliad.  

Gall ymgynghorydd ariannol rheoledig eich helpu i gynllunio ar gyfer ymddeoliad, gan gynnwys:  

• argymell cynhyrchion a darparwyr i'w defnyddio

• cynghori ble i fuddsoddi eich arian
• egluro eich opsiynau i leihau'r dreth y gallai fod angen i chi ei thalu.  

Gall ein canllaw eich helpu i ddod o hyd i ymgynghorydd pensiwn neu ymddeoliad. Rhaid i ymgynghorwyr ariannol ddweud wrthych faint y mae angen i chi ei dalu cyn i chi ymrwymo