Gyda biliau cartrefi’n cynyddu, gall rheoli cyllideb gyfyng fod yn anodd. Yr hyn sy'n aml yn ein taflu oddi ar y cwrs yw'r annisgwyl, ond gall cynilo rheolaidd helpu.
Beth sydd yn y canllaw hwn
Pennu eich nod cynilo
Mae rheoli cyllideb dynn yn heriol, beth bynnag yw’ch amgylchiadau ac mae’n hawdd mynd i ddyled ar gyfer pethau fel treuliau gwyliau neu gostau annisgwyl fel trwsio car neu beiriant golchi’n torri.
Ond mae benthyca’n gwneud pryniannau’n ddrytach, a’n ychwanegu at y straen ar y gyllideb.
Ffordd dda i ddelio â threuliau annisgwyl yw cynilo ychydig bob mis er mwyn adeiladu cronfa frys.
Ymunwch â’n grŵp Facebook
Ymunwch â’n grŵp preifat Facebook Cyllidebu a ChyniloYn agor mewn ffenestr newydd am awgrymiadau arbed arian a chefnogaeth gan gymuned o gynilwyr.
Gweithio allan faint i’w gynilo bob mis
Os nad ydych yn siŵr faint gallwch fforddio ei gynilo, dechreuwch yn fach – efallai trwy roi eich newid mewn jar bob wythnos yn unig.
Os yw hynny’n gweithio, ceisiwch neilltuo ychydig yn fwy yn rheolaidd.
Byddwch yn realistig – mae’n well ymrwymo i swm llai rydych yn hyderus y gallwch ddod i ben â’i gynilo na swm uwch fydd yn eich digalonni.
Gosodwch darged i chi’ch hunan: ystyriwch gronfa argyfwng o £200.
Ar ôl i chi gyflawni honno, codwch y bar ac ewch am swm uwch.
Cyfrifiannell cynilio
Defnyddiwch ein Cyfrifiannell cynilo i’ch helpu cyfrifo faint y gallwch ei gynilo.
Pan fydd argyfwng yn codi, defnyddiwch y gronfa argyfwng, ond yna parhewch i gynilo er mwyn ei chodi eto. Mae’n syniad da i geisio cael o leiaf tri mis o dreuliau’r cartref fel cronfa argyfwng.
Darganfyddwch fwy yn ein canllaw Cynilion argyfwng – faint sy’n ddigon?
Dechrau arni â’ch cynilo
Awgrym da
Sefydlwch daliad rheolaidd (debyd uniongyrchol neu archeb sefydlog) i drosglwyddo swm penodol yn awtomatig i’ch cynilion bob mis.
Tra bydd yn iawn i ddechrau cynilo arian mewn jar, ar gyfer diogelwch, mae’n syniad da i ystyried sefydlu cyfrif cynilo.
Bydd gwneud hynny yn cadw’r arian yn ddiogel, ar gyfer argyfyngau, a lleihau’r temtasiwn i’w wario ar fympwy, a gallech hefyd ennill ychydig o log.
Mae gwefannau cymharu yn lle da i ddechrau ar gyfer unrhyw un sy’n ceisio dod o hyd i gyfrif cynilo sy’n addas i’w hanghenion.
Darganfyddwch fwy o wybodaeth yn ein canllaw Cael y gorau o wefannau cymharu
Ni fydd pob un wefan gymharu yn rhoi’r un canlyniadau i chi, felly cofiwch ddefnyddio mwy nag un wefan cyn gwneud penderfyniad.
Mae hefyd yn bwysig gwneud tipyn o waith ymchwil i mewn i’r math o gynnyrch neu nodweddion a ddymunwch cyn prynu neu newid darparwr.
Mae’r gwefannau canlynol yn lle da i ddechrau â chwilio am gyfrif cynilo:
Help gyda chostau byw
Poeni am arian oherwydd rhenti cynyddol, biliau ynni uchel neu ddyled? Os felly, rydym yma i helpu.
Cymerwch y camau cyntaf i ddod o hyd i’ch ffordd ymlaen gyda’n canllawiau i’ch helpu gyda chostau byw.
Gwylio eich cynilion yn tyfu
Gwiriwch eich cynydd bob ychydig o fisoedd.
Adolygwch eich cyfrif cynilo o leiaf unwaith y flwyddyn i wirio eich bod yn cael y gyfradd llog gorau.
Gwnewch y mwyaf o ISAs arian parod sydd gyda lwfans blynyddol o £20,000 fel nad ydych yn talu treth diangen.
Mae nifer o gyfrifon ISA yn eich temtio â bonws ar gyfer y misoedd neu'r flwyddyn gyntaf, ond wedyn yn mynd yn ôl i gyfraddau isel iawn.
Beth i’w wneud
- Paratowch ar gyfer yr annisgwyl – mae’n digwydd yn aml.
- Agorwch gyfrif cynilo os nad oes gennych gyfrif eisoes – ewch ar-lein neu ewch i’ch banc neu gymdeithas adeiladu.
Cynlluniwr cyllideb
I’ch helpu i reoli’ch arian, rhowch gynnig ar ein Cynlluniwr cyllideb rhad ac am ddim sy’n hawdd ei ddefnyddio.
