Gwneud eich dewisiadau arian a phensiwn yn gliriach
Mae HelpwrArian yma i helpu, fel y gallwch symud ymlaen gyda bywyd. Mae yma i dorri trwy'r jargon a'r cymhlethdod, egluro beth sydd angen i chi ei wneud a sut y gallwch chi ei wneud. Mae yma i'ch rhoi chi mewn rheolaeth, gyda chymorth diduedd am ddim am arian a phensiynau sy'n gyflym i'w darganfod, yn hawdd eu defnyddio ac sydd wedi’i gefnogi gan y llywodraeth.
Beth bynnag yw eich amgylchiadau neu eich cynlluniau, rydym yn cynnig arweiniad clir ar-lein, dros y ffôn ac wyneb yn wyneb. Gallwn hefyd eich cyfeirio at wasanaethau y gellir ymddiried ynddynt, os oes angen mwy o gymorth arnoch.
Gallwn eich helpu i:
- glirio eich dyledion
- deall eich opsiynau pensiwn
- cynllunio ar gyfer ymddeol
- lleihau eich gwariant a chronni cynilion
- llywio digwyddiadau bywyd fel diswyddiad, perthynas yn chwalu neu brofedigaeth
- cynllunio ymlaen llaw ar gyfer pryniannau mawr
- darganfod am fudd-daliadau a hawliau ychwanegol.
Am wybodaeth am arian a phensiynau mewn un lle sydd am ddim i'w ddefnyddio, chwiliwch am HelpwrArian.
HelpwrArian a Gwasanaeth Arian a Phensiynau
Mae HelpwrArian yn wasanaeth am ddim a ddarperir gan y Gwasanaeth Arian a Phensiynau.
Corff hyd braich Llywodraeth EF yw'r Gwasanaeth Arian a Phensiynau, a noddir gan yr Adran Gwaith a Phensiynau. Mae ganddo ymrwymiad ar y cyd i sicrhau bod pobl ledled y DU yn cael mynediad am ddim i'r wybodaeth a'r arweiniad sydd eu hangen arnynt i wneud penderfyniadau ariannol effeithiol dros eu hoes.
Fe'i hariennir gan ardollau ar y diwydiant gwasanaethau ariannol a chynlluniau pensiwn.
Darganfyddwch fwy am Wasanaeth Arian a PhensiynauYn agor mewn ffenestr newydd
Darganfyddwch fwy am ein safonau MaPSYn agor mewn ffenestr newydd a sut rydym yn sicrhau ansawdd ein gwasanaeth yn uniongyrchol a thrwy ein gwasanaethau a gomisiynir.
Cadwch yn gyfredol â’r newyddion diweddaraf, llofnodwch i fyny i'n cylchlythyrYn agor mewn ffenestr newydd
O ble daeth HelpwrArian?
Lansiwyd HelpwrArian ym mis Mehefin 2021 fel gwasanaeth sy'n wynebu'r defnyddiwr i gynnig arweiniad ariannol a phensiynau diduedd am ddim. Mae'n dwyn ynghyd gefnogaeth a gwasanaethau tri chyn-ddarparwr arweiniad ariannol a gefnogir gan y llywodraeth: Y Gwasanaeth Cynghori Ariannol, y Gwasanaeth Cynghori ar Bensiynau a Pension Wise.
Os ydych eisiau bod yn bartner
I gael mwy o wybodaeth ar sut y gallwn eich cefnogi i feithrin lles ariannol yn eich gweithleYn agor mewn ffenestr newydd, ewch i wefan MaPSYn agor mewn ffenestr newydd neu cysylltwch â'n Tîm Partneriaethau ag unrhyw ymholiadau neu geisiadau.
