Faint yw Pensiwn GIG?

Mae tri chynllun pensiwn gwahanol ar waith, ond mae holl weithwyr presennol y GIG yng Nghynllun Pensiwn y GIG 2015. Mae Cynllun Pensiwn y GIG 1995 a Chynllun Pensiwn y GIG 2008 hefyd, ond mae’r ddau ar gau i bobl newydd.

Os ydych yn rhan o Gynllun Pensiwn y GIG 2015, byddwch yn ennill 1/54fed o’ch tâl pensiynadwy bob blwyddyn yn eich pensiwn. Cynyddir yr arian hwn hefyd drwy ‘ailbrisiad’ blynyddol i helpu i gadw i fyny â chwyddiant.

Mae union swm eich pensiwn GIG yn dibynnu ar ffactorau amrywiol, megis hyd gwasanaeth, enillion a’r cynllun pensiwn penodol yr ydych wedi ymrestru ynddo.

Gallwch ofyn am amcangyfrif i ddarganfod faint fyddwch chi’n ei gael o’ch pensiwn GIG:

• yng Nghymru a Lloegr, cysylltwch â’r Awdurdod Gwasanaethau Busnes y GIGYn agor mewn ffenestr newydd
• yn yr Alban, cysylltwch â Scottish Public Pensions AgencyYn agor mewn ffenestr newydd 
• yng Ngogledd Iwerddon, cysylltwch â HSC Pension ServiceYn agor mewn ffenestr newydd

Dylech hefyd dderbyn datganiad buddion blynyddol sy’n dweud wrthych faint yw gwerth eich pensiwn.

Mae Cynllun Pensiwn y GIG 2015 yn seiliedig ar enillion cyfartalog gyrfa. Mae hyn yn golygu bod y pensiwn yn cael ei gyfrifo gan ddefnyddio fformiwla sy’n ystyried enillion trwy gydol eich gyrfa a chwyddiant.

Mae Cynllun Pensiwn y GIG 1995 a Chynllun Pensiwn y GIG 2008 yn drefniadau cyflog terfynol. Mae hyn yn golygu bod y pensiwn yn seiliedig ar gyfran o’ch cyflog terfynol. Ond mae’r cynlluniau hyn ar gau i newydd-ddyfodiaid.

Mae gweithwyr y GIG, fel unrhyw un yn y DU sydd wedi talu digon o gyfraniadau Yswiriant Gwladol, yn gymwys i gael Pensiwn y Wladwriaeth. Gallwch hawlio Pensiwn y Wladwriaeth hyd yn oed os oes gennych bensiynau eraill.

Mae’r cyfraddau cyfraniadau presennol ar gyfer Cynllun Pensiwn y GIG 2015 wedi’u strwythuro ar sail system haenau. Bydd y swm y byddwch yn ei dalu i mewn yn dibynnu ar eich incwm pensiynadwy:

• yng Nghymru a Lloegr, gweler cyfraddau cyfraniadau Pensiwn y GIGYn agor mewn ffenestr newydd
• yn yr Alban, gweler cyfraddau cyfraniadau Pensiwn GIG yr AlbanYn agor mewn ffenestr newydd
• yng Ngogledd Iwerddon, gweler cyfraddau cyfraniadau Pensiwn HSCYn agor mewn ffenestr newydd

Uchafswm nifer y blynyddoedd gwaith a all fynd tuag at eich pensiwn y GIG yw 45. Byddwch yn dal i gael pensiwn cymesur os byddwch yn ymddeol cyn hynny a bod gennych lai o flynyddoedd o wasanaeth yn y GIG.