Pum ffordd o arbed arian yn yr archfarchnad

Canfu ymchwil HelpwrArian fod 60% o bobl sy’n mynd â rhestr siopa gyda nhw i’r archfarchnad yn dweud ei fod yn arbed arian iddynt.

Mae hyn yn rhannol oherwydd eich bod yn siopa’n fwy uniongyrchol.  Nid ydych chi’n cael eich temtio gan hyrwyddiadau a bargeinion (mwy ar y rheini mewn ychydig), ac rydych chi’n tueddu i gadw at yr eiliau sydd eu hangen arnoch chi, yn hytrach na chodi pethau ar hap wrth i chi grwydro o gwmpas – oes rhywun arall yn euog o brynu melysion a chacennau?

Ond mae hefyd oherwydd eich bod wedi meddwl am yr hyn sydd ei angen arnoch chi ar gyfer yr wythnos, gan osgoi tecawê brys munud olaf neu deithiau i siopau llai sy’n ddrutach i gael yr ychwanegiadau rydych chi wedi anghofio.

Yn aml mae bargeinion archfarchnadoedd yn eich temtio i brynu mwy nag sydd ei angen arnoch – neu hyd yn oed bethau na fyddech chi’n eu cael yn y lle cyntaf.

Nid yw hynny’n golygu na allwch arbed arian gyda chynigion arbennig, ond yn gyntaf meddyliwch a oes wirioneddol angen yr eitemau arnoch, yna ystyriwch a allwch eu defnyddio cyn iddynt fynd allan o ddyddiad neu a yw’n bosibl cael dewisiadau amgen rhatach mewn mannau eraill.

Os ydych chi’n mynd ychydig yn ddryslyd gan y gwahanol fathau o gynigion, nid chi yw’r unig un, fel y canfu ein hymchwil. Dim ond 40 allan o 2,000 o bobl - dim ond 2% - allai nodi’r holl fargeinion gorau yn ein cwis yn gywir.

Mae’r safle cymharu MySupermarket yn dweud y gallwch leihau eich bil gan 30% yn syml trwy siopa o gwmpas.

Nid yw hyn yn golygu cymharu’r pris ar gyfer y brand rydych chi’n ei brynu yn unig - er y gallwch wneud arbedion mawr trwy brynu brand  dienw. Mae hefyd yn ymwneud â newid lle rydych chi’n siopa i archfarchnad rhatach. Ond byddwch yn synhwyrol. Os ydych chi’n gwario ar fwy o betrol i fynd i fwy nag un archfarchnad, efallai na fydd yr arbedion yn werth chweil.

Os ydych chi’n rhiant, mae’n debyg eich bod yn gyfarwydd â grym plagio. Canfu ein hymchwil fod pwysau gan blant mewn archfarchnad yn ychwanegu £15.50 o nwyddau i’r fasged ar gyfartaledd. Efallai na fydd yn bosibl eu gadael gartref pan fyddwch chi’n siopa, ond ceisiwch gyfyngu ar y cyfle sydd ganddynt i ddylanwadu ar eich siopa.

Mae mynd i siopa bwyd pan fyddwch eisiau bwyd yn werth ei osgoi hefyd. Dywedodd tri o bob pump o bobl yn ein harolwg eu bod yn gwario mwy pan maen nhw’n llwglyd neu’n flinedig – ac anaml mae’r gwario ar bethau iach!

Gall brynu eitemau na chawsont eu defnyddio cyn iddynt fynd yn rhy hen yn rheolaidd ychwanegu cost uchel at fil siopa, ac mae llawer ohonom yn euog o daflu bwyd i ffwrdd.

Ond gall cadw llygad ar ddyddiadau diwedd oes a defnyddio neu rewi gweddillion arbed £720 y flwyddyn i’r teulu cyffredin, yn ôl Love Food Hate Waste.