Beth yw’r Gostyngiad Cartrefi Cynnes a sut alla i wneud cais?

Mae'r Gostyngiad Cartrefi Cynnes yn gynllun a gefnogir gan y llywodraeth sy'n cynnig gostyngiad o £150 oddi ar eich bil trydan ar gyfer cyfnod y gaeaf rhwng mis Hydref a mis Mawrth.

Nid yw'r arian yn cael ei dalu'n uniongyrchol i chi. Yn lle hynny, cymhwysir disgownt i'ch bil trydan. Gallech hefyd gael arian oddi ar eich bil nwy os yw'ch cyflenwr yn darparu nwy a thrydan i chi (a elwir yn dariff tanwydd deuol).

O Gaeaf 2025/26 roedd mwy o bobl yn gymwys i gael y gostyngiad o £150. Nawr bydd pob talwr biliau sy'n cael budd-daliadau penodol yn gymwys. Yn flaenorol, byddai angen i chi gael budd-daliadau penodol AC ennill o dan swm penodol.

I fod yn gymwys RHAID i'ch enw fod ar eich bil. Os byddwch yn symud cartref neu'n newid cyflenwr efallai na fydd eich enw ar eich bil. Os nad ydych yn siŵr neu os oes angen i chi wneud newid, cysylltwch â'ch cyflenwr ynni cyn gynted â phosibl.

Y llynedd y dyddiad cau ar gyfer hyn oedd 24 Awst. Nid oes dyddiadau ar gyfer eleni wedi'u cyhoeddi.

Gallwch hefyd gael y Gostyngiad Cartrefi Cynnes os oes gan rywun sy'n gyfrifol am eich budd-daliadau neu'n gwneud penderfyniadau ar eich rhan eu henw ar y bil.

I I gael y gostyngiad rhaid i'ch enw fod ar eich bil AC eich bod yn cael: 

• Credyd Pensiwn (elfen cynilion NEU Warant)
• Credyd Cynhwysol.

Rhaid i'ch enw fod ar y bil i gael y gostyngiad. Cysylltwch â'ch cyflenwr i ychwanegu eich enw ar eich bil ynni.

Rhaid i chi wneud cais a bod yn llwyddiannus. Y llynedd roedd angen i hyn gwmpasu 24 Awst. Nid oes cyhoeddiad wedi bod ar y dyddiad cau eleni. Gellir ôl-ddyddio Credyd Pensiwn am uchafswm o dri mis. Mae hyn yn golygu, y llynedd, os gwnaethoch wneud cais am Gredyd Pensiwn cyn 23 Tachwedd ac yn llwyddiannus, gallech gael y Gostyngiad Cartrefi Cynnes gan eich cyflenwr. 

Ond nid yw Credyd Pensiwn yn cael ei ôl-ddyddio'n awtomatig. Mae hyn yn golygu bod yn rhaid i chi ofyn am ôl-ddyddio ar eich ffurflen gais. I gael gwybodaeth am Gredyd Pensiwn – gan gynnwys sut i wneud cais ac os ydych yn gymwys, gweler ein canllaw Credyd Pensiwn . 

Ar ôl i chi wneud cais, byddwch yn cael llythyr gan y DWP gyda phenderfyniad. Os ydych chi'n llwyddiannus, dylech ffonio llinell gymorth Gostyngiad Cartrefi Cynnes ar: 0800 030 9322 gan ddweud wrthynt eich bod chi'n meddwl eich bod newydd ddod yn gymwys.

Os ydych o dan oedran Pensiwn y Wladwriaeth a'ch bod chi'n meddwl y gallech gael Credyd Cynhwysol, rhaid i chi wneud cais a bod yn llwyddiannus i gael y Gostyngiad Cartrefi Cynnes. Y llynedd roedd angen i hyn gwmpasu 24 Awst. Dim ond un mis y gellir ôl-ddyddio Credyd Cynhwysol. 

Ond nid yw Credyd Cynhwysol yn cael ei ôl-ddyddio'n awtomatig. Mae hyn yn golygu bod yn rhaid i chi ofyn am ôl-ddyddio. I gael gwybodaeth am Gredyd Cynhwysol – gan gynnwys sut i wneud cais ac os ydych chi'n gymwys, gweler ein canllaw Egluro Credyd Cynhwysol.  

Na. Nid yw ar gael yng Ngogledd Iwerddon. Os ydych chi'n berchennog tŷ neu'n rhentwr preifat yng Ngogledd Iwerddon a bod gennych incwm cartref sy’n llai na £23,000, darganfyddwch fwy am y cynllun cynhesrwydd fforddiadwyYn agor mewn ffenestr newydd yng Ngogledd Iwerddon.

Os ydych chi'n gymwys, dylech gael llythyr rhwng mis Hydref a mis Rhagfyr 2026. Bydd y llythyr yn cadarnhau a ydych yn gymwys i gael ad-daliad awtomatig neu'n eich cynghori i ffonio llinell gymorth i wirio a ydych yn gymwys. 

Os nad ydych chi'n gymwys yn awtomatig ar gyfer Gostyniad Cartrefi Cynnes, gallai fod oherwydd nad oes gan y llywodraeth ddigon o wybodaeth. Efallai y gofynnir i chi am ddogfennau i brofi eich cymhwysedd: fel bil ynni gyda'ch enw arno neu brawf eich bod yn derbyn budd-daliadau.

Os ydych chi gyda chyflenwr ynni nad yw'n cynnig Gostyngiad Cartrefi Cynnes, ond rydych chi'n gymwys i’w gael, gallwch newid i gwmni sy'n ei ddarparu ond cyn i chi newid, gwiriwch fod eu tariff yn costio yr un fath neu'n ddelfrydol yn llai na'ch tariff presennol.

Mae gan y rhan fwyaf o gwmnïau ynni Ostyngiad Cartrefi Cynnes, gallwch ddod o hyd i restr o gyflenwyrYn agor mewn ffenestr newydd ar GOV.UK.

Mae'r Gostyngiad Cartrefi Cynnes ar gael i chi os ydych chi'n byw mewn cartref parc, fodd bynnag, bydd angen i chi wneud cais amdano. Mae mwy o fanylion am y gostyngiad ar gaelYn agor mewn ffenestr newydd ar GOV.UK.

Mae'r taliad bellach yn awtomatig yn yr Alban os ydych chi'n cael rhai budd-daliadau sy’n destun prawf modd – fel Credyd Pensiwn neu Gredyd Cynhwysol. 

Mae'r rhan fwyaf o gyflenwyr ynni yn cynnig y gostyngiad hwn. Fodd bynnag, nid yw pob cyflenwr yn cymryd rhan yn y cynllun Gostyngiad Cartrefi Cynnes.

Os ydych chi'n gymwys ar gyfer y gostyngiad ac nad yw'ch cyflenwr presennol yn ei gynnig, efallai yr hoffech chi newid cyflenwr i un sy'n gwneud hynny. 

Darganfyddwch am y cwmnïau hynny sy'n cynnig y Cynllun Gostyngiad Cartrefi Cynnes hwnYn agor mewn ffenestr newydd ar GOV.UK

Os ydych chi'n defnyddio mesurydd rhagdaledig neu dalu wrth fynd, gallwch fod yn gymwys ar gyfer y gostyngiad o hyd. Gwnewch yn siŵr eich bod yn rhoi gwybod i'ch cyflenwr trydan ac ar yr amod eich bod yn gymwys, byddant yn cymhwyso'r gostyngiad yn awtomatig.

Darllenwch fwy am y Cynllun Gostyngiad Cartrefi CynnesYn agor mewn ffenestr newydd ar GOV.UK

Na, nid yw taliad Gostyngiad Cartrefi Cynnes yn effeithio ar eich hawl i Daliad Tanwydd Gaeaf neu Daliad Tywydd Oer.

Darganfyddwch fwy am daliadau tywydd oerYn agor mewn ffenestr newydd a  thaliadau tanwydd gaeafYn agor mewn ffenestr newydd ar GOV.UK