Cynyddwch eich incwm ymddeol gyda Chredyd Pensiwn

Arian ychwanegol y gallwch ei hawlio ar ôl i chi gyrraedd oedran Pensiwn y WladwriaethOpens in a new window yw Credyd Pensiwn – hyd yn oed os nad ydych yn gymwys i gael Pensiwn y Wladwriaeth.

Mae Credyd Pensiwn yn ychwanegu at eich incwm hyd at lefel benodol yn dibynnu ar eich amgylchiadau. Mae hefyd yn golygu y bydd gennych hawl i gymorth arall, fel trwydded deledu am ddim a gostyngiadau ar eich biliau. Gallai hyn eich gwneud yn well eich byd o filoedd o bunnoedd y flwyddyn.

Byddwch fel arfer yn gymwys i gael Credyd Pensiwn os yw eich incwm wythnosol yn llai na:

• £218 os ydych yn sengl, neu
• £333 os ydych yn gwpl.

Efallai y byddwch yn dal yn gymwys os yw eich incwm yn uwch, yn enwedig os oes gennych anabledd, yn gofalu am blant, yn gofalu am rywun neu os oes gennych rai costau tai fel rhent tir.

Mae hyn yn golygu ei bod bob amser yn werth gwirio a oes gennych hawl i Gredyd Pensiwn, gan fod y meini prawf cymhwysedd yn gymhleth.

Bydd cyfraddau Credyd Pensiwn yn codi 4.1% o fis Ebrill flwyddyn 2025, sy’n golygu y gallech hawlio hyd at £227.10 yr wythnos os ydych yn sengl neu £346.60 yr wythnos fel cwpl.

Bydd ein Cyfrifiannell budd-daliadau cyflym a hawdd yn cyfrifo hyn i chi, neu gweler Credyd Pensiwn – beth fyddwch chi’n ei gaelOpens in a new window ar GOV.UK am fwy o wybodaeth.

Bydd ein cyfrifiannell budd-daliadau yn dangos yn gyflym a ydych yn debygol o fod yn gymwys i gael unrhyw daliadau ychwanegol, gan gynnwys Credyd Pensiwn a grantiau eraill.

Gallwch wneud cais am Gredyd Pensiwn hyd yn oed os oes gennych gynilion neu os ydych yn berchen ar eich cartref, felly gwnewch yn siŵr nad ydych yn colli allan ar arian y mae gennych hawl iddo.

Gallwch hefyd:

• siarad ag ymgynghorydd Credyd Pensiwn am ddim
• defnyddio'r gyfrifiannell Credyd PensiwnOpens in a new window ar GOV.UK

Gallwch wneud cais am Gredyd Pensiwn o bedwar mis cyn i chi gyrraedd oedran Pensiwn y WladwriaethOpens in a new window – neu unrhyw bryd ar ôl hynny.

Peidiwch ag oedi eich cais. Dim ond hyd at dri mis y gellir ôl-ddyddio eich taliad felly efallai y byddwch yn colli allan ar arian os byddwch yn aros.

Os ydych yn byw yng Nghymru, Lloegr neu’r Alban, gallwch wneud cais am Gredyd Pensiwn:

• ar-lein ar GOV.UK – gwnewch gais am Gredyd PensiwnOpens in a new window – os ydych eisoes wedi gwneud cais am eich Pensiwn y Wladwriaeth
• drwy ffonio 0800 99 1234 (dydd Llun i ddydd Gwener, 8am i 6pm)
• drwy bostio'r ffurflen gais Credyd PensiwnOpens in a new window

Os ydych yn byw yng Ngogledd Iwerddon, gallwch wneud cais am Gredyd Pensiwn:

• ar-lein ar nidirect – gwnewch gais am Gredyd PensiwnOpens in a new window – os ydych eisoes wedi gwneud cais am eich Pensiwn y Wladwriaeth
• drwy ffonio 0808 100 6165 (dydd Llun i ddydd Gwener, 9am i 4pm)
• drwy bostio'r ffurflen gais Credyd PensiwnOpens in a new window

Os nad ydych wedi eisoes, gallwch hefyd wneud cais am eich Pensiwn y Wladwriaeth.

Pan fyddwch yn dechrau hawlio Credyd Pensiwn, fel arfer byddwch yn gymwys i gael budd-daliadau defnyddiol eraill a allai fod yn werth cannoedd y flwyddyn.

Mae rhai yn awtomatig ond bydd angen i chi wneud cais ar wahân ar gyfer eraill. Dyma sut mae'n gweithio:

1. Fel arfer telir arian ychwanegol ar gyfer eich biliau gwresogi yn awtomatig, gan gynnwys:
   • Taliad Tanwydd GaeafOpens in a new window yng Nghymru, Lloegr a Gogledd Iwerddon, gwerth hyd at £300 y flwyddyn
   • Taliad Gwresogi GaeafOpens in a new window yn yr Alban, gwerth £58.75 y flwyddyn
   • Gostyngiad Cartref CynnesOpens in a new window yng Nghymru, Lloegr a'r Alban – credyd o £150 a delir i'ch darparwr trydan.
2. Os ydych yn rhentu, gallwch wneud cais am Fudd-dal TaiOpens in a new window am help i'w dalu.
3. Os ydych yn cael trafferth i dalu eich morgais, gallwch wneud cais am fenthyciad Cymorth ar gyfer Llog ar Forgais di-log gan y llywodraeth i helpu i dalu llog eich morgais.
4. Gallwch wneud cais am ostyngiad Treth Gyngor neu Ardrethi o hyd at 100%:
   • yng Nghymru, Lloegr a'r Alban, dewch o hyd i fanylion eich cynllun Gostyngiadau Treth Gyngor lleolOpens in a new window ar GOV.UK.
   • yng Ngogledd Iwerddon, gallwch wneud cais am Ad-daliad ArdrethiOpens in a new window ar nidirect
5. Dywedwch wrth eich optegydd neu ddeintydd eich bod yn cael Credyd Pensiwn i gael:
   • apwyntiadau a thriniaeth ddeintyddol am ddim
   • profion llygaid am ddim, a
   • gostyngiadau ar sbectol a lensys cyffwrdd.

Am gymorth arall y gallwch ei hawlio, gan gynnwys tocyn bws am ddim, gweler ein canllaw Budd-daliadau mewn ymddeoliad.

I gael cymorth a chyngor gyda’ch hawliad Credyd Pensiwn, gallwch ddefnyddio AdvicelocalOpens in a new window i ddod o hyd i arbenigwyr budd-daliadau yn eich ardal chi.

Gall ymgynghorydd helpu i egluro’r holl fudd-daliadau a grantiau rydych yn gymwys ar eu cyfer ac efallai y byddant yn gallu cwblhau’r cais ar eich rhan.