Diweddarwyd diwethaf:
10 Mehefin 2026
Mae'r Awdurdod Ymddygiad Ariannol (FCA) wedi cyhoeddi cynllun iawndal i gwsmeriaid y camwerthwyd cyllid ceir iddynt. Gallai unrhyw un sy'n gymwys dderbyn cyfartaledd o tua £830 ar gyfer pob cytundeb. Darganfyddwch pwy allai gael iawndal, beth sydd angen i chi ei wneud nesaf a pham y dylech osgoi cwmnïau rheoli hawliadau a chwmnïau cyfreithiol.
Ni fydd hawlio iawndal sy'n ddyledus i chi yn costio unrhyw beth os byddwch chi'n ei wneud eich hun.
Efallai eich bod wedi gweld hysbysebion ar gyfer cwmnïau sy'n gallu hawlio iawndal ar eich rhan (a elwir yn gwmnïau rheoli hawliadau, neu CMCs). Mae'r cwmnïau hyn fel arfer yn cymryd rhan mawr o unrhyw iawndal - hyd at 36%. Er enghraifft, os oes £1,000 yn ddyledus i chi mewn iawndal, gallai CMC hawlio hyd at £360 o'r arian rydych chi’n gymwys i’w gael.
Dylech osgoi hysbysebion ‘awgrymiadau arian’ cyllid car gan CMCs a chwmnïau cyfreithiol ar y cyfryngau cymdeithasol. Mae ymchwil gan reoleiddwyr, gan gynnwys yr FCA, wedi canfod bod hysbysebion sy’n ymddangos fel pe baent yn cynnig cyngor annibynnol gan arbenigwr neu enwogion yn aml mewn gwirionedd yn hyrwyddiadau taledig gan CMCs a chwmnïau cyfreithiol sy’n annog pobl i gofrestru ar gyfer hawliadau cyllid car.
Ni fydd CMC neu gwmni cyfreithiol yn gyflymach nac yn gwneud unrhyw beth na allwch ei wneud eich hun – a gallai eu hosgoi arbed £100 i chi.
Os ydych chi eisoes wedi cofrestru gydag un o'r cwmnïau hyn, gallwch ganslo. Ond bydd angen i chi wirio a oes rhaid i chi dalu ffi ganslo. Gallwch ofyn i adael am ddim os cawsoch eich cofrestru heb roi eich caniatâd, os cawsoch eich camarwain, neu os cawsoch eich trin yn annheg. Os byddwch yn canslo, rhaid i unrhyw ffi fod yn deg ac yn adlewyrchu faint o waith y mae’r cwmni eisoes wedi’i wneud.
Dylai'r cwmni roi crynodeb i chi o'r gwaith maen nhw wedi'i wneud hyd yn hyn. Os nad ydych chi'n credu eu bod nhw'n esbonio pethau'n glir, gallwch chi gwyno i'r cwmni. Gallwch chi hefyd wneud hyn os ydych chi'n credu eich bod chi wedi cael eich camarwain gan hysbysebu, eich bod chi wedi cael ffioedd afresymol neu eich bod chi wedi cael eich trin yn annheg.
Os ydych yn anhapus gyda’r ffordd y mae CMC neu gwmni cyfreithiol wedi delio â’ch achos, gallwch wneud cwyn yn uniongyrchol i’r cwmni. Mae’r FCA wedi creu templed llythyr y gallwch ei lawrlwytho i helpu gyda’ch cwynYn agor mewn ffenestr newydd
Os ydych chi'n anhapus ag ymateb y cwmni, gallwch godi'ch cwyn gyda:
Mae ein holl wybodaeth am y cynllun iawndal yn seiliedig ar yr hyn a gyhoeddwyd gan yr FCA yn wreiddiol. Fodd bynnag, mae heriau cyfreithiol yn erbyn y cynllun yn golygu y gallai gael ei oedi.
Byddwn yn diweddaru'r dudalen hon yn rheolaidd gyda'r holl wybodaeth wedi'i chadarnhau cyn gynted ag y gallwn.
Bydd pob cytundeb cyllid modur a gawsoch yn gymwys i gael iawndal os na ddywedwyd wrthych ei fod:
Dim ond un o'r rhain sydd angen i'ch cytundeb fod wedi'i effeithio i fod yn gymwys i gael iawndal. Mae hefyd angen iddo fod wedi'i gytuno rhwng 6 Ebrill 2007 ac 1 Tachwedd 2024.
Bydd cytundebau Prynu Contract Personol (PCP) a Hurbwrcas (HP) yn gymwys. Fodd bynnag, os gwnaethoch logi car trwy Llogi Contract Personol (PCH), ni fyddwch yn cael iawndal trwy'r cynllun hwn.
Nid yw nifer fach o fenthyciadau gwerth uchel wedi’u cynnwys yn y cynllun iawndal – gallwch wirio’r manylion ar dudalen cwynion cyllid ceir yr FCAYn agor mewn ffenestr newydd
Os oedd gan eich cytundeb DCA na chawsoch chi wybod yn iawn amdano, mae'n debygol iawn y bydd iawndal yn ddyledus i chi. Byddwch chi'n gymwys cyn belled â:
Roedd DCAs yn fath cudd o gomisiwn a oedd yn caniatáu i werthwyr a broceriaid gynyddu'r comisiwn a enillwyd ganddynt drwy godi mwy ar gwsmeriaid.
Roedd y trefniant yn golygu y gallai brocer osod cyfradd llog uwch ar gytundeb, sy'n golygu y byddent yn ennill mwy mewn comisiwn.
Cafodd DCAs eu gwahardd ym mis Ionawr 2021. Felly, ni fydd unrhyw gytundebau cyllido ceir a wnaed ers hynny yn cynnwys DCA.
Y ffordd orau o ddarganfod yw trwy edrych trwy waith papur eich cyllid car, os ydyw gyda chi o hyd. Os nad yw’n bosibl, gallwch gyflwyno cwyn a bydd eich benthyciwr yn cysylltu â chi os ydych yn gymwys.
Hyd yn oed os nad ydych yn siwr a’ch bod yn dewis peidio â gwneud cwyn, dylech gael iawndal o hyd os oedd eich cytundeb yn cynnwys DCA.
Mae rhai cwmnïau wedi honni nad ydynt erioed wedi defnyddio DCAs. Gallwch weld rhestr o gwmnïau nad ydynt yn defnyddio DCAs ar MoneySavingExpert.
Mae'r FCA wedi darparu canllawiau ar sut y byddant yn penderfynu os gwnaethoch dalu comisiwn annheg o uchel.
Os na chafodd y comisiwn yn eich cytundeb ei esbonio'n iawn i chi, byddwch yn gymwys i gael iawndal os oedd o leiaf:
Fodd bynnag, ni fydd llawer o gytundebau wedi gwneud y ffigurau hyn yn glir.
Gallwch naill ai:
Cafodd rhai cytundebau cyllid modur eu camwerthu oherwydd bod rhwymiad cytundebol yn bodoli. Mae hyn yn golygu bod gan y gwerthwr gytundeb â benthyciwr i gynnig eu hopsiwn cyllido i chi yn unig yn hytrach na chwilio'r farchnad am fargen well.
Os na chawsoch wybod am yr ymrwymiad cytundebol, byddwch yn gymwys i gael iawndal. Nid yw rhai cytundebau lle'r oedd gan fenthycwyr a delwyr gysylltiadau gweladwy (megis rhannu enw) wedi'u cynnwys yn y cynllun.
Gallwch naill ai:
Cyhoeddodd yr FCA fanylion y cynllun iawndal ar 30 Mawrth 2026.
Mae'r cynllun wedi'i rannu'n ddau:
Fodd bynnag, mae heriau cyfreithiol yn erbyn y cynllun yn debygol o achosi oedi, sy'n golygu y gallai'r dyddiadau hyn newid
Unwaith y bydd y cynllun yn dechrau, bydd eich benthyciwr yn eich gwahodd i ymuno â'r cynllun o fewn y canlynol:
Ar ôl i chi ymuno â'r cynllun:
Gallwch hefyd ddefnyddio offeryn yr FCA i wirio pryd y byddwch yn clywed gan eich benthyciwrYn agor mewn ffenestr newydd
Mae'n bosibl na fydd gan rai benthycwyr fanylion cyswllt ar gyfer cwsmeriaid yr effeithir arnynt. Yn yr achos hwn, bydd angen i chi gysylltu â nhw a cheisio gwneud hawliad.
Bydd gennych flwyddyn o’r adeg y dechreuodd y cynllun i gysylltu â’ch benthyciwr. Felly, os nad ydych chi'n siŵr a oes gan eich benthyciwr eich manylion, mae'n syniad da cysylltu â nhw a chyflwyno cwyn.
Bydd cwsmeriaid sydd wedi anfon cwyn cyn i'r cynllun ddechrau (30 Mehefin ar hyn o bryd) yn cael iawndal yn gyflymach – o fewn tri mis o ddechrau’r cynllun.
Os byddwch chi'n dewis peidio â chwyno, byddwch yn dal i gael taliad os ydych chi'n gymwys, ond gallai gymryd hyd at chwe mis ar ôl i'r cynllun ddechrau cyn y gwneir cyswllt â chi.
Mae defnyddio templed am ddim i gyflwyno cwyn yn golygu y gallwch osgoi cwmnïau rheoli hawliadau a sicrhau eich bod yn cael yr holl arian sy'n ddyledus i chi.
Mae templedi llythyrau gwneud cwyn am ddim ar gael ar:
Os nad ydych yn siŵr pwy ddarparodd eich cytundeb cyllid car, gallwch:
wirio datganiadau banc blaenorol
edrych am e-byst neu lythyrau cadarnhad
Os oedd eich cytundeb yn weithgar yn y chwe mlynedd ddiwethaf, gallwch wirio eich adroddiad credyd. Dylai eich darparwr fod wedi’i restru yno. Mae gan Equifax hefyd ap gwirio cyllid ceir am ddimYn agor mewn ffenestr newydd sy'n dangos cytundebau sy'n mynd yn ôl i 2007.
Yna gallwch ddarparu'r wybodaeth hon i'ch benthyciwr fel tystiolaeth bod gennych gytundeb, a fydd yn sicrhau eich bod yn cael eich cynnwys yn y cynllun iawndal os ydych chi'n gymwys.
Os ydynt eisoes wedi gwrthod eich cwyn ond eich bod yn parhau i feddwl eich bod yn gymwys, gallwch gyflwyno cwyn arall.
Os ydych yn penderfynu i beidio â gwneud cwyn eto, bydd eich benthyciwr dal angen cysylltu â chi os ydynt yn darganfod eich bod yn gymwys am iawndal. Os bydd hyn yn digwydd, byddant yn gofyn os hoffech optio i mewn i gael taliad.
Mae iawndal cyllid ceir yn stori newyddion fawr - yn anffodus, mae hyn yn golygu bod twyllwyr yn cysylltu â phobl i gynnig iawndal iddynt fel ffordd o'u twyllo i roi eu gwybodaeth bersonol i ffwrdd.
Byddwch yn ofalus iawn o unrhyw alwadau, negeseuon neu e-byst annisgwyl a gewch sy'n honni eu bod gan gwmnïau cyllid ceir neu'r llywodraeth. Gallent esgus bod angen i chi nodi eich manylion banc, gwybodaeth bersonol neu rifau cerdyn credyd i dderbyn iawndal - ac yna defnyddio hyn i ddwyn eich arian neu hunaniaeth.
Os ydych chi eisiau sicrhau eich bod chi'n delio â'ch benthyciwr, gallwch chi:
Dysgwch fwy am yr hyn i fod yn wyliadwrus amdano yn ein canllaw Ydw i'n cael fy sgamio? Sut i wybod a ydych wedi cael eich targedu.
Os ydych chi'n poeni y gallai rhywun fod wedi dwyn eich gwybodaeth bersonol neu hunaniaeth, darllenwch ein post blog A allai rhywun fod wedi dwyn eich hunaniaeth?
Bydd yr FCA yn cyhoeddi gwybodaeth am y cynllun a sut i sicrhau eich bod yn cael eich iawndal. Gweler y wybodaeth ddiweddaraf gan yr FCA am gwynion cyllid ceirYn agor mewn ffenestr newydd, neu ffoniwch nhw ar 0800 111 6768Yn agor mewn ffenestr newydd.
