Dirwyon a thocynnau goryrru – faint mae’n rhaid i mi ei dalu?
Wedi’i ddiweddaru diwethaf:
26 Medi 2025
Mae dirwyon goryrru yn amrywio o £100 a thri phwynt cosb i £2,500 a gwaharddiad. Dyma beth sydd angen i chi ei wybod am ddirwyon goryrru, gan gynnwys pryd y gallech gael cynnig cwrs ymwybyddiaeth cyflymder yn lle.
Pa mor hir mae’n ei gymryd i gael tocyn goryrru?
Os cawsoch eich dal gan gamera cyflymder, bydd ceidwad cofrestredig y car yr oeddech yn ei yrru fel arfer yn derbyn llythyr o fewn 14 diwrnod.
Gelwir hyn yn Hysbysiad o Fwriad i Erlyn (NIP) a dylai egluro dyddiad, amser a lleoliad y digwyddiad goryrru.
I gadarnhau pwy oedd yn gyrru, mae gennych 28 diwrnod i gwblhau a dychwelyd yr hysbysiad Adran 172 sydd wedi’i gynnwys gyda’r llythyr.
Yna anfonir un o’r canlynol atoch:
- Hysbysiad Cosb Benodedig (FCN) yn egluro:
- sut i dalu’r ddirwy – fel arfer £100
- y bydd pwyntiau cosb yn cael eu hychwanegu at eich trwydded yrru – fel arfer 3
- os gallwch osgoi’r ddirwy a’r pwyntiau cosb trwy fynychu cwrs ymwybyddiaeth goryrru – mae hyn fel arfer yn costio tua £100.
- gorchymyn i fynd i wrandawiad llys.
Os na fyddwch chi’n dychwelyd yr hysbysiad Adran 172 o fewn 28 diwrnod, efallai y bydd yn rhaid i chi fynd i’r llys a wynebu dirwy a phwyntiau cosb uwch.
Os cawsoch eich dal yn goryrru a’ch atal gan yr heddlu, gallant roi dirwy neu orchymyn llys i chi ar unwaith.
Pam nad wyf wedi cael cynnig cwrs ymwybyddiaeth goryrru?
Gall y rheolau ynghylch pwy sy'n cael y dewis o gwrs ymwybyddiaeth goryrru amrywio rhwng heddluoedd. Ond mae rhesymau nodweddiadol dros beidio â chael cynnig cwrs yn cynnwys:
- gwnaethoch chi ddychwelyd y hysbysiad Adran 172 ar ôl 28 diwrnod
- roeddech chi’n teithio’n llawer cyflymach na’r terfyn cyflymder
- cawsoch eich dal yn goryrru fwy nag unwaith – neu roeddech chi eisoes wedi mynychu cwrs ymwybyddiaeth goryrru arall – yn ystod y tair blynedd diwethaf.
Faint yw dirwy goryrru?
Os cawsoch Hysbysiad Cosb Benodedig ac rydych yn talu ar amser, fel arfer byddwch chi’n talu £100 ac yn derbyn tri phwynt cosb. Mae pwyntiau cosb yn aros ar eich trwydded am 4 blynedd.
Os oes rhaid i chi fynd i’r llys, mae’r ddirwy am oryrru a nifer y pwyntiau cosb a gewch fel arfer yn dibynnu ar:
- ba mor gyflym yr oeddech chi’n teithio
- faint dros y terfyn cyflymder oedd hyn
- faint rydych chi’n ei ennill.
Mae gan Confused.com gyfrifiannell dirwyon goryrruYn agor mewn ffenestr newydd y gallwch chi ei defnyddio. Y ddirwy uchaf yw £1,000, yn codi i £2,500 os oeddech chi’n gyrru ar draffordd.
| Eich cyflymder | Dirwy | Pwyntiau cosb |
|---|---|---|
|
31 i 40mph |
25 i 75% o’ch incwm wythnosol |
3 |
|
41 i 50mph |
75 i 125% o’ch incwm wythnosol |
4 i 6 neu eich diarddel rhag yrru am 7 i 28 dydd |
|
51mph a throsodd |
125 i 175% o’ch incwm wythnosol |
6 neu eich diarddel rhag yrru am 7 i 56 dydd |
Darganfyddwch fwy am gosbau goryrruYn agor mewn ffenestr newydd a phwyntiau cosbYn agor mewn ffenestr newydd ar GOV.UK.
A fydd tocyn goryrru yn cynyddu fy yswiriant car?
Rhaid i chi ddweud wrth eich darparwr yswiriant car os ydych chi wedi talu dirwy goryrru ac wedi derbyn pwyntiau ar eich trwydded.
Mae hyn fel arfer yn golygu y bydd eich yswiriant car yn cynyddu, gan y gallech ymddangos yn fwy o risg gyda thystiolaeth eich bod chi’n gyrru’n gyflymach na’r terfyn cyfreithiol.
Mae faint y bydd angen i chi ei dalu yn ychwanegol yn dibynnu ar eich darparwr yswiriant. I ddod o hyd i’r cytundeb orau ar eich cyfer, cymharwch ddyfynbrisiau yswiriant car gan wahanol yswirwyr bob amser.
Fel arfer nid oes angen i chi ddweud wrth eich yswiriwr os ydych chi wedi mynychu cwrs ymwybyddiaeth cyflymder, oni bai eu bod nhw’n gofyn i chi.
A allaf apelio yn erbyn tocyn goryrru?
Os cewch Hysbysiad Cosb Benodedig, gallwch ddewis:
- talu’r ddirwy a derbyn y pwyntiau
- mynychu cwrs ymwybyddiaeth goryrru, os cynigiwyd un i chi
- mynd i’r llys i apelio yn erbyn y tocyn goryrru.
Os dewiswch apelio a bod y llys yn penderfynu eich bod yn euog, fel arfer byddwch yn wynebu dirwy uwch a nifer uwch o bwyntiau. Efallai y bydd angen i chi dalu ffioedd llys hefyd.
A allaf apelio os gwnes i dderbyn fy nhocyn goryrru ar ôl 14 diwrnod?
Dylech gael gwybod os ydych wedi cael eich dal yn goryrru o fewn 14 diwrnod i’r digwyddiad.
Ond yn aml nid yw peidio â derbyn yr hysbysiad o fewn 14 diwrnod yn ddigon i apelio, gan y gallai fod rhesymau dilys dros yr oedi. Er enghraifft, gallai streic bost neu’r hysbysiad fod wedi’i anfon yn wreiddiol at:
- eich hen gyfeiriad os na wnaethoch ddiweddaru eich trwydded
- cwmni ceir llogi os oeddech yn gyrru car llogi
- eich cyfeiriad gwaith os oeddech yn gyrru car cwmni.
Dim ond dangos, o dan amgylchiadau arferol, y dylai’r tocyn fod wedi cyrraedd y ceidwad cofrestredig o fewn yr amserlen sydd ei angen ar yr heddlu.
Os cafodd yr hysbysiad ei gyhoeddi neu ei anfon gyntaf dros 14 diwrnod ar ôl y digwyddiad, efallai y byddwch yn gallu dadlau dros ganslo’r tocyn cyflymder yn y llys.
Byddwch yn ymwybodol y gallai’r tocyn gael ei gadarnhau o hyd ac y gallech gael dirwy uwch a mwy o bwyntiau.
