Os oes angen i chi ddefnyddio banc bwyd gallwch gael atgyfeiriad o ffynonellau swyddogol fel ysgol eich plentyn, meddyg, gweithiwr cymdeithasol neu eich:

• Citizens Advice EnglandYn agor mewn ffenestr newydd

• Cyngor ar Bopeth CymruYn agor mewn ffenestr newydd
• Citizens Advice ScotlandYn agor mewn ffenestr newydd
• Advice NI yng Ngogledd IwerddonYn agor mewn ffenestr newydd

Gallwch ddarganfod ble mae’ch banc bwyd agosaf ar wefan Trussell TrustYn agor mewn ffenestr newydd

Gall eich cyngor lleol hefyd eich rhoi mewn cysylltiad ag elusennau a sefydliadauYn agor mewn ffenestr newydd a all roi atgyfeiriad i chi at fanc bwyd. Efallai y gall y cyngor gynnig talebau i’ch helpu i dalu costau heb ymweld â banc bwyd, felly mae’n werth gofyn beth sydd ar gael.

Os na allwch gael atgyfeiriad, efallai gallwch ymweld â banc bwyd o hyd. Gwiriwch y map ar Independent Food Aid NetworkYn agor mewn ffenestr newydd i ddod o hyd i fanylion cyswllt elusennau lleol a banciau bwyd sy’n agos atoch.

Bydd banciau bwyd yn cynnig parsel bwyd i chi y bydd angen i chi ei gasglu o’r cyfeiriad a roddwyd i chi pan gawsoch eich atgyfeirio. Os nad ydych yn gallu mynd i fanc bwyd oherwydd eich bod yn byw yn wledig, efallai y byddant yn cynnig ei ddanfon atoch.

Fel arfer mae angen atgyfeiriad i ddefnyddio banc bwyd, a bydd rhai banciau bwyd ond yn eich galluogi i eich atgyfeirio unwaith, felly nid oes modd dibynnu arno fel datrysiad hirdymor.

Os na allwch dalu costau o ddydd-i-ddydd, fel bwyd, dylech wirio eich bod yn hawlio’r help ariannol y mae gennych hawl iddo.

Os ydych yn feichiog neu’n gofalu am o leiaf un plentyn o dan 4 oed, efallai gallwch ymuno â’r cynllun Cychwyn IachYn agor mewn ffenestr newydd Mae hwn yn gerdyn sydd wedi’i lwytho gyda chredyd i’w ddefnyddio mewn archfarchnadoedd am fformiwla, llaeth neu fwydydd iachus fel ffrwythau a llysiau. Maent yn ychwanegu credyd i’r cerdyn bob pedwar wythnos os byddwch yn gymwys.

Yn yr Alban, mae cynllun tebyg o’r enw Best Start FoodsYn agor mewn ffenestr newydd ar gyfer plant o dan 3 oed. 

Mae’r llywodraeth wedi rhoi cyllid i gynghorau lleol i ddarparu bwyd ar gyfer plant sy’n cael prydau bwyd ysgol am ddim yn ystod y gwyliau haf, Pasg a Nadolig. Os nad yw’ch cyngor wedi cysylltu â chi am hwn, defnyddiwch y lleolwr cyngorYn agor mewn ffenestr newydd i ddod o hyd i’w manylion cyswllt i ofyn am fwy o wybodaeth.

Er nad yw pob un o’r llefydd yma yn darparu bwyd am ddim, maent lawer mwy fforddiadwy nag archfarchnad nodweddiadol a gall eich helpu i fwydo teulu heb fawr ddim o arian.

Mae Foodcycle (Lloegr yn unig) yn cynnig prydau bwyd poeth i bobl sydd eu hangen yn wythnosol. Y cyfan mae’n rhaid i chi ei wneud yw troi i fyny, nid oes angen archebu na chael eich atgyfeirio. Gallwch ddod o hyd i fanylion o ble a phryd y gallwch gael pryd bwyd am ddim yn eich ardal leol ar FoodcycleYn agor mewn ffenestr newydd

Mae oergelloedd cymunedol yn llefydd gallwch fynd i gasglu gweddillion bwyd sydd wedi’i roi gan fusnesau lleol. Mae cannoedd o oergelloedd cymunedol ar draws y wlad, gallwch ddarganfod ble mae’r un agosaf atoch a phryd y mae ar agor ar HubbubYn agor mewn ffenestr newydd

Mae Company Shop a Community ShopYn agor mewn ffenestr newydd yn siopau disgownt lle gall aelodau brynu bwyd dros ben o archfarchnadoedd am ffracsiwn o'r pris gwreiddiol. Gallwch gael aelodaethYn agor mewn ffenestr newydd os ydych chi'n hawlio budd-daliadau prawf modd gan gynnwys Credyd Cynhwysol neu'n gweithio mewn diwydiannau fel y gwasanaethau brys, gweithgynhyrchu neu i elusen.

Mae pantris yn debyg i’r cynllun community fridges, ond mae cost fach ynghlwm. Ond am gwpl o bunnoedd yr wythnos gallwch lenwi’ch basged gyda bwyd gwerth cryn dipyn yn fwy. Nid oes angen i chi gael eich atgyfeirio i ymuno, gallwch wneud cais trwy ymweld â Your Local PantryYn agor mewn ffenestr newydd neu fynd i’ch pantri lleol mewn person. 

Mae gan Feeding Britain rhestr o glybiau bwyd fforddiadwyYn agor mewn ffenestr newydd a chynlluniau cymuned eraill os na allwch fforddio prynu bwyd. Gallwch ddod o hyd i fap ar ei wefan. 

Mae Olio yn ap am ddim lle gall pobl a busnesau rhoi bwyd diangen i ffwrdd. Ar ôl lawrlwytho’r apYn agor mewn ffenestr newydd a dewis eich ardal leol gallwch weld beth sy’n cael ei gynnig yn agos atoch. Bydd angen casglu unrhyw fwyd am ddim rydych yn ei hawlio, ond nid oes angen atgyfeiriad, a does dim cwestiynau i’w hateb. Fel arfer mae’n gweithio ar sail y cyntaf i’r felin, felly efallai y byddwch am droi hysbysiadau ymlaen am yr ap.

Efallai ceir hefyd grwpiau Facebook ‘Gweithredoedd caredigrwydd ar hap’ neu ‘Prynu dim’ yn eich ardal leol lle gall pobl rhoi bwyd dros ben ac unrhyw eitemau cartref eraill i ffwrdd am ddim. 

Os oes gennych gyllideb gyfyngedig iawn i brynu bwyd, mae’n syniad da i ganolbwyntio ar fwydydd sy’n llenwi bol fel pasta a reis, yn ogystal â bwydydd tun na fydd yn pydru’n gyflym. Cymerwch olwg o’n canllaw i fwyta'n iach ar gyllideb