Mae'r terfyn hwn yn berthnasol yng Nghymru, Lloegr a'r Alban. Yng Ngogledd Iwerddon, mae'r Rheoleiddiwr Cyfleustodau yn gwirio bod y prisiau a godir yn deg.

Nid oes lawer o fargeinion sefydlog ar gael sydd llai na’r cap ar brisiau. Os yw’ch cytundeb yn dod i ben, efallai bydd angen i chi aros ar y tariff diofyn.

Gallwch hefyd ddefnyddio gwefannau cymharu i ddod o hyd i fargeinion gwell gan gwmnïau ynni eraill.

Mae cap pris Ofgem yn cael ei gyfrifo ar sail faint mae'n ei gostio i brynu nwy a thrydan ar y farchnad gyfanwerthu. Mae'r cap pris yn newid bob tri mis, ar ddechrau Ionawr, Ebrill, Gorffennaf a Hydref. Ofgem yn cyhoeddi beth fydd y cap pris tua mis cyn iddo newid.

Mae’n anodd cyllidebu ar gyfer costau byw bob dydd pan nad ydych yn gwybod pa olwg fydd ar eich biliau mewn tri mis. Gall sefydlogi eich biliau ynni eich helpu i wybod beth i’w ddisgwyl bob mis.

Efallai na fydd dyfynbris eich cyflenwr yn rhoi’r gost flynyddol ar gyfer cartref arferol, gallai fod yn seiliedig ar eich defnydd. Defnyddiwch gyfradd uned y cap ar brisiau a’r gost sefydlog isod i gymharu â’r hyn y mae eich cyflenwr wedi’i gynnig.

Ffynhonnell: OfgemOpens in a new window

Chi sydd i benderfynu a yw gwybod beth fydd eich biliau bob mis yn werth y risg y bydd prisiau ynni yn gostwng yn ystod eich contract, a gallech chi dalu gormod drwy symud ymlaen i gytundeb sefydlog.

Yn ddiweddar, mae cyflenwyr ynni wedi tynnu llawer o’r bargeinion roeddent yn eu cynnig islaw’r cap ar brisiau. Mae’n werth gwirio a oes gynigion gwell ar gael o hyd. 

Gweler ein canllaw ar wefannau cymharu am fwy o wybodaeth.

Er efallai na fyddwch yn gallu lleihau’n sylweddol y swm y byddwch yn ei dalu fesul uned o nwy neu drydan, os gallwch ddefnyddio llai, yna bydd eich biliau’n gostwng.

Gallai gwneud eich cartref yn fwy effeithlon o ran ynni eich helpu i wneud arbedion tymor hir. Mae gan ein canllaw am dalu am welliannau cartref wybodaeth am grantiau a benthyciadau y gallwch eu defnyddio am bethau fel gwell inswleiddio neu foeler mwy effeithlon.