Diweddarwyd diwethaf:
02 Rhagfyr 2024
Os ydych chi’n rhywun sydd wedi cael ei effeithio gan lifogydd, efallai na fyddwch chi’n gwybod ble i ddechrau cael yr help sydd ei angen arnoch chi. Bydd y blog hwn yn eich cyfeirio at y ffordd cywir i gael y wybodaeth sydd ei hangen arnoch i gymryd y camau cywir.
Mae gwefan GOV.UK yn lle da i ddechrau, sydd â rhywfaint o gyngor ymarferol, gan gynnwys aros yn ddiogel a lle gallwch gael cymorth ariannolYn agor mewn ffenestr newydd Er enghraifft, yng Nghymru a rhai ardaloedd yn Lloegr, gallwch wneud cais am grant o £500 os yw llifogydd yn eich cartref wedi effeithio arnoch, ac yng Nghymru, £500 ychwanegol os nad oes gennych yswiriant cynnwys.
Os ydych ar incwm isel ac angen cymorth brys, mae yna ychydig o gynlluniau gwahanol y gallwch wneud cais iddynt i gael grant na fydd angen ei had-dalu.
Cysylltwch â’ch darparwr yswiriant cartref neu gynnwys cyn gynted ag y gallwch – bydd gan y rhan fwyaf linellau cymorth brys sy’n rhedeg drwy’r nos. Byddant yn gallu dweud wrthych beth i’w wneud i sicrhau eich bod yn cael cymaint â phosibl yn ôl, gwneud taliadau brys, trefnu atgyweiriadau ac o bosibl sefydlu llety brys dros dro i chi.
Os oes rhaid i chi drefnu atgyweiriadau brys eich hun, dywedwch wrth eich yswiriwr. Cofiwch dynnu lluniau o’r holl waith sydd angen ei wneud a chadw unrhyw dderbynebau, gan y bydd hyn yn rhan o’ch hawliad. Mae’r ABI (Association of British Insurers) hefyd yn cynghori i beidio â thaflu eitemau sydd wedi’u difrodi, oni bai eu bod yn berygl i’ch iechyd, oherwydd efallai y bydd modd atgyweirio neu adfer y rhain. Ond siaradwch â’ch yswiriwr yn gyntaf bob amser.
Os ydych yn berchen ar eich cartref eich hun, mae’n fwy na thebyg eich bod wedi’ch diogelu gan fod yswiriant llifogydd yn nodwedd safonol o yswiriant adeiladau.
Mae pob polisi yn wahanol, felly gwnewch yn siŵr eich bod yn darllen eich un chi fel eich bod chi’n gwybod ble rydych chi’n sefyll. Fel arfer, cewch eich diogelu ar gyfer unrhyw lifddwr sydd wedi dod i mewn i’ch cartref o ffynhonnell allanol.
Wedi dweud hynny, gall fod eithriadau - gwiriwch eich polisi i weld a oes unrhyw eithriadau, fel os ydych chi’n byw mewn ardal llifogydd risg uchel. Efallai y gwelwch hefyd nad yw rhai rhannau o’r eiddo yn dod o dan y polisi, megis adeiladau allanol a ffensys.
Mae gan MoneySavingExpert.com ganllaw helaeth ar yr hyn y dylech ei wneud os yw’ch cartref wedi dioddef llifogyddYn agor mewn ffenestr newydd
Os ydych yn rentwr bydd angen i chi gysylltu â’ch landlord, gan y bydd angen iddynt ddefnyddio eu hyswiriant i gael yr eiddo’n ddigon diogel i chi fyw ynddo, ac i’ch cael chi i lety diogel, dros dro.
Os nad oes ganddyn nhw’r yswiriant hwnnw, neu os nad ydych chi eisiau gadael yr eiddo tra bydd yn atgyweirio – gwiriwch eich contract i weld a oes unrhyw beth ynddo sy’n berthnasol i’r sefyllfa ac a allai eich helpu.
Siaradwch â’ch landlord, ac ystyriwch ofyn i beidio â thalu rhent, neu dalu llai o rent tra’n aros yn yr eiddo neu fod angen dod o hyd i’ch llety arall eich hun. Mae penderfynu atal neu leihau rhent heb gytundeb ffurfiol yn beryglus iawn gan y gallech fod yn torri eich cytundeb rhent. Os ydych chi’n ei chael hi’n anodd dod i gytundeb, siaradwch â ShelterYn agor mewn ffenestr newydd neu Gyngor ar BopethYn agor mewn ffenestr newydd sydd â gwybodaeth arbenigol am faterion tai.
Bydd yr yswiriant adeiladau yn yswirio’r adeilad ei hun – y waliau, llawr y tŷ, nenfydau ac ati – ond nid yw popeth y tu mewn iddo, fel eich dodrefn, carped, papur wal, dillad, technoleg wedi’i gynnwys oni bai eich bod wedi prynu yswiriant cynnwys.
Gwiriwch eich polisi i weld faint y mae’n werth, a beth y gallwch ei ddisodli.
Os nad oes gennych yswiriant cynnwys, byddwch yn gyfrifol am ddisodli’r hyn a golloch ar eich pen eich hun.
Yn ôl ymchwil yr FCA, nid oes gan 31% o aelwydydd yswiriant ar gyfer eu heiddo, ac nid oes gan 39% bolisi yswiriant adeiladau - mae hynny’n golygu y bydd yn rhaid i lawer o bobl sydd wedi cael eu heffeithio gan lifogydd dalu cost atgyweiriadau a’r eitemau maen nhw wedi’u colli ar eu pennau eu hunain.
Os ydych chi wedi dioddef llifogydd ac nad oes gennych yswiriant, cysylltwch â’ch Cyngor ar Bopeth lleolYn agor mewn ffenestr newydd Byddant yn gallu eich helpu i wneud cais am gymorth ariannol.
Edrychwch ar eu canllaw, gan ei fod yn tynnu sylw at rai grantiau y gallech eu caelYn agor mewn ffenestr newydd
Gwnewch yn siŵr eich bod yn cael yr holl fudd-daliadau y mae gennych hawl iddynt. Mae ein cyfrifiannell budd-daliadau yn cymryd 5 munud i’w gwblhau a bydd yn eich helpu i weld a oes unrhyw arian ychwanegol y gallwch ei hawlio.
Os na allwch aros yn eich cartref oherwydd y difrod, byddwch mewn perygl o fod yn ddigartref a bydd angen i chi gysylltu â’ch awdurdod lleol i gael cymorth. Gall hyn fod yn broses gymhleth, felly peidiwch â bod ofn cael help gan arbenigwyr o Gyngor ar BopethYn agor mewn ffenestr newydd neu ShelterYn agor mewn ffenestr newydd
Os na allwch ddod o hyd i yswiriwr oherwydd bod risg uchel i’ch cartref o lifogydd, edrychwch ar wefan Flood Re i ddod o hyd i yswiriant a fydd yn eich diogeluYn agor mewn ffenestr newydd
Os yw llifogydd wedi effeithio arnoch, mae siawns dda bod eich dogfennau hanfodol, fel ID ac polisïau yswiriant, wedi’u difrodi, a fydd yn gwneud cael help yn fwy cymhleth.
Os ydych chi’n gwybod pwy yw’ch darparwyr, ffoniwch a gofynnwch iddyn nhw anfon copïau dyblyg neu gopïau newydd i chi yn y post neu mewn e-bost cyn gynted â phosibl.
Os ydych wedi colli eich tystysgrif geni, cofrestrwch ar wefan y Swyddfa Gofrestru Gyffredinol (GRO) i gael copi newydd. Mae’n cymryd tua 10 munud ac yn costio £12.50.
Mae proses wahanol yn yr AlbanYn agor mewn ffenestr newydd ac yng Ngogledd IwerddonYn agor mewn ffenestr newydd
Os ydych wedi colli’ch trwydded yrru, bydd angen i chi ymweld â safle’r DVLAYn agor mewn ffenestr newydd sy’n costio £20.
Bydd amnewid eich pasbortYn agor mewn ffenestr newydd yn costio £88.50 i chi a bydd angen i chi ddod o hyd i rywun i gadarnhau eich hunaniaeth
