Os ydych yng nghamau cynnar ysgariad neu ddiddymiad, gall ein harbenigwyr pensiwn roi arweiniad am ddim a diduedd i chi ar eich opsiynau pensiwn.
Beth sydd yn y canllaw hwn
Ar gyfer pwy mae’r apwyntiad
Mae'r apwyntiad yn addas os ydych wedi dechrau'r broses o ysgariad neu ddiddymiad yn ddiweddar ac yn ystyried eich opsiynau.
Os oes gennych ganiatâd neu orchymyn ariannol eisoes ar waith, gallwch gysylltu â'n harbenigwyr pensiwn ar-lein neu dros y ffôn am gymorth ac arweiniad am ddim yn lle hynny.
Sut mae’r apwyntiad yn gweithio
Bydd un o'n harbenigwyr pensiwn yn eich ffonio ac yn:
- egluro'r opsiynau sydd gennych ar gyfer rhannu eich pensiynau
- eich helpu i ddeall beth i'w ystyried a'r cwestiynau i'w gofyn
- eich tywys ar eich camau nesaf, gan gynnwys ble i ddod o hyd i gymorth ychwanegol, cyngor ariannol rheoleiddiedig ac arbenigwr pensiwn ar ysgariad.
Mae’r apwyntiad:
- dros y ffôn
- fel arfer yn para hyd at 60 munud
- fel arfer ar gael rhwng 9am a 5pm, dydd Llun i ddydd Gwener (ac eithrio gwyliau banc).
Gweler eich opsiynau yn ein canllaw Sut i rannu pensiynau wrth ysgaru neu ddiddymu
Cysylltwch â ni i drefnu apwyntiad
Gallwch ofyn am neu newid apwyntiad pensiwn cyn ysgariad neu ddiddymiad gan ddefnyddio ein ffurflen ar-lein.
Bydd angen i chi nodi:
- eich manylion personol fel y gallwn gysylltu â chi
- ble yn y DU rydych yn cael ysgariad neu ddiddymiad fel ein bod yn gwybod pa gyfreithiau sy’n berthnasol.
Gallwch hefyd roi gwybod i ni os oes unrhyw beth penodol yr hoffech ei drafod a'ch dyddiau ac amseroedd dewisol ar gyfer apwyntiad.
Yna byddwn yn eich ffonio i drefnu eich apwyntiad, fel arfer o fewn 5 diwrnod gwaith ar ôl derbyn eich cais.
Angen mwy o wybodaeth am bensiynau?
Bydd un o’n harbenigwyr pensiwn yn hapus i ateb eich cwestiynau. Gallwch:
- ddefnyddio ein gwesgwrs
- ffonio ar 0800 756 1012 (+44 20 7932 5780Yn agor mewn ffenestr newydd os ydych y tu allan i’r DU)
- Defnyddiwch ein ffurflen ar-lein.
Rydyn ni ar agor rhwng 9am a 5pm, o ddydd Llun i ddydd Gwener. Rydyn ni ar gau ar wyliau banc.
