Os ydych chi, fel llawer ohonom ar hyn o bryd, yn ei chael hi’n anodd gyda chostau byw, chwyddiant yn cynyddu a phrisiau ynni cynyddol, gall defnyddio eich pensiwn fod yn demtasiwn ar gyfer amseroedd enbyd. Darganfyddwch beth sydd angen i chi ei wybod cyn cymryd y cam hwn.
Er y gallai stopio cyfraniadau i’ch pensiwn ddatrys problem sy’n bodoli ar hyn o bryd, gallai brofi’n gostus yn y dyfodol os na allwch ymddeol pan fydd angen i chi oherwydd nad oes digon o arian yn eich cronfa bensiwn.
Peidiwch ag anghofio bod pensiwn yn fuddsoddiad i roi incwm i chi yn y dyfodol. Os ydych yn talu llai i’ch cronfa nawr bydd llai o arian ar gael i roi incwm i chi pan fyddwch yn stopio gweithio.
Felly, ceisiwch gydbwyso eich anghenion heddiw â’ch anghenion yn y dyfodol fel nad ydych yn difaru gostwng eich cynilion pensiwn nawr. Cofiwch:
Eich pensiwn yw un o’r ffyrdd mwyaf treth-effeithlon o gynilo ar gyfer eich ymddeoliad. Os ydych, fel y rhan fwyaf o bobl, yn dalwr treth cyfradd sylfaenol, byddwch yn cael rhyddhad o 20% yn awtomatig gan y llywodraeth ar eich cyfraniadau pensiwn, felly bydd ychwanegu £100 at eich pensiwn yn eich costio £80 yn unig.
Defnyddiwch ein Cyfrifiannell pensiwn i weld pa incwm ymddeol y gallwch ei ddisgwyl
Os, ar ôl pwyso a mesur, mae angen i chi stopio neu ostwng eich cyfraniadau eich hun, gofynnwch i’ch cyflogwr a fyddant yn parhau gyda’u cyfraniadau ar y lefel bresennol fel nad ydych yn cael llai o arian ganddynt.
Cyn gynted ag y gallwch fforddio talu, darganfyddwch a allwch gael eich cyfraniadau pensiwn yn ôl i’r lefel flaenorol.
Gallech hyd yn oed feddwl am dalu mewn cyfandaliad neu wneud taliadau misol uwch i wneud yn iawn am yr amser pan oedd yn rhaid i chi dalu llai.
Mae arweiniad ar yr hyn i’w ystyried os ydych am stopio cyfrannu yn ein canllaw ar adael eich cynllun pensiwn yn y gweithle
Os ydych dros 55 oed, gallech ddefnyddio’r arian o’ch cronfa bensiwn i helpu i ychwanegu at eich cyflog os ydych yn dal i weithio.
Neu yn dibynnu ar reolau eich cynllun, gallech gael mynediad at eich pensiwn i ychwanegu at eich incwm nawr. Mae hyn yn golygu y gallwch roi’r arian tuag at filiau neu dalu dyled. Fodd bynnag, os ydych yn gwneud hynny, gallai eich gadael gyda llai o arian pan fyddwch mewn gwirionedd eisiau stopio gweithio yn gyfan gwbl.
Meddyliwch yn ofalus am gymryd arian o’ch cronfa bensiwn i dalu dyledion. Efallai y bydd opsiynau ad-dalu dyledion eraill, ac efallai y bydd cyngor ar ddyledion yn gallu eich helpu i ddewis pa ddatrysiad sy’n gweddu orau i’ch anghenion. Cymerwch eich amser wrth benderfynu beth i’w wneud â'ch cronfa a pheidiwch â rhuthro i wneud penderfyniad.
Mae llawer o wasanaethau cyngor am ddim ar gael ledled y DU. Mae ein teclyn lle i gael cyngor ar ddyled yn gallu eich helpu i ddod o hyd i’r math gorau o gyngor sy’n addas i’ch anghenion. Gallwch ein ffonio neu gael mynediad at help ar-lein.
Os ydych yn meddwl am ddefnyddio eich cronfa bensiwn i dalu dyled, yn gyntaf edrychwch ar ein canllaw delio â dyled
Oes gennych bensiwn gweithle neu bensiwn personol? Bydd pryd fyddwch yn gallu cael mynediad ato yn dibynnu ar delerau ac amodau eich polisi.
Mae’n bwysig gwirio gyda’ch darparwr a oes unrhyw gosbau am gael mynediad at eich pensiwn yn gynnar neu’n hwyrach na’r oedran pensiwn arferol.
Os nad oes gennych ddewis ond defnyddio eich cronfa bensiwn ar gyfer incwm neu gyfandaliad, cymerwch gyn lleied â phosibl, felly bydd gennych fwy o arian ar ôl ar gyfer pan fyddwch yn ymddeol.
Os ydych dros 50 oed a'n ystyried cymryd arian o’ch cronfa bensiwn, mae ein gwasanaeth Pension Wise yn cynnig arweiniad diduedd am ddim ar eich opsiynau.
Trefnwch eich apwyntiad am ddim ar-lein
Cofiwch fod eich incwm pensiwn yn debygol o gael ei drethu a gallai unrhyw arian rydych yn ei gymryd gael effaith ar eich cymhwysedd i rai budd-daliadau sy’n seiliedig ar brawf modd.
Mae yna reolau gwahanol yn dibynnu ar sut rydych yn tynnu incwm o’ch cronfa bensiwn, yn ogystal â statws eich trethdalwr. Ac mae’n dibynnu a oes gennych chi:
Defnyddiwch y Gyfrifiannell bensiwn i gyfrifo faint y bydd ei angen arnoch ar ôl ymddeol a’r hyn y byddwch yn ei dderbyn
Os oes gennych rywfaint o arian wedi’i gadw, efallai y bydd yn gwneud mwy o synnwyr ariannol i ddefnyddio eich cynilion neu fuddsoddiadau yn lle. Gwiriwch a oes unrhyw gostau neu gosbau am gael mynediad at eich arian ac a oes unrhyw dreth yn daladwy.
Os nad yw hynny’n bosibl, gallech ystyried ostwng eich cyfraniadau pensiwn heb optio allan o gyfrannu’n gyfan gwbl.
Fel hyn, y gallech gael mwy o arian yn eich cyflog bob mis tra’n dal i gyfrannu i’ch cronfa bensiwn ac yna dychwelyd i lefelau cyfraniad arferol pan allwch fforddio hynny’n well.
Siaradwch ag un o’n harbenigwyr pensiwn ar 0800 011 3797
Darganfyddwch beth i’w wneud os ydych yn poeni am eich pensiwn
Darganfyddwch y camau y gallwch eu cymryd os ydych yn ansicr am eich sefyllfa bensiwn.
Os oes gennych arian mewn rhyw fath o fuddsoddiad neu drefniant pensiwn, byddwch bron yn sicr o gael eich buddsoddi yn y farchnad stoc.
Os ydych yn gweld gwerth eich buddsoddiadau’n gostwng – neu rydych yn poeni am hynny’n digwydd – gallech gael eich temtio i werthu eich buddsoddiadau a’u rhoi yn rhywle rydych yn credu fyddai’n fwy diogel.
Gallai hyn ostwng effaith y farchnad stoc ar eich pensiwn, ond gall hefyd fod yn gamgymeriad drud – wrth i chi golli cyfle i adennill y colledion hynny pan fydd y farchnad yn dechrau cynyddu eto.
Felly er mor ansefydlog y gall fod, mae pethau da a drwg yn rhan naturiol o fuddsoddi. Yn aml, parhau i fuddsoddi yw’r strategaeth orau i’w chymryd.
Os oes gennych bensiwn buddion wedi eu diffinio, mae’r buddion wedi’u gwarantu a chyfrifoldeb y cynllun yw rheoli eu buddsoddiadau a sicrhau bod digon o arian i dalu’r buddion y maent wedi’u haddo i chi. Os na all eich cynllun wneud hyn, bydd y Gronfa Diogelu Pensiwn (PPF) yn ymyrryd.
I archwilio newid cyllid, darganfyddwch fwy am eich opsiynau buddsoddi pensiwn
Os ydych yn ystyried cymryd eich pensiwn fel blwydd-dal (cynnyrch incwm gwarantedig), gall cost gostyngedig blwydd-dal wneud yn iawn am y gostyngiad yng ngwerth eich cronfa bensiwn.
Mae hyn oherwydd bod blwydd-daliadau yn talu cyfraddau uwch ar hyn o bryd nag y maent wedi ei wneud yn ddiweddar.
Felly gall blwydd-dal sy’n rhoi incwm ymddeol gwarantedig i chi naill ai am weddill eich oes neu gyfnod sefydlog, fod yn opsiwn gorau i chi o hyd.
Cymharu cost blwydd-daliadau (cynhyrchion incwm gwarantedig)Yn agor mewn ffenestr newydd
Os ydych yn agos at ymddeol ac eisiau cymryd incwm ymddeol hyblyg (tynnu pensiwn) o’ch cronfa bensiwn, eich opsiynau yw:
Os oes gennych bartner, efallai y gallwch ystyried eich holl bensiynau gyda’ch gilydd, gan y gallai fod er eich lles i gymryd arian gan rai ohonynt nawr a gadael y gweddill tan yn ddiweddarach.
Nid yw’r incwm o bensiwn budd-dal wedi’i ddiffinio yn cael ei effeithio gan yr hyn sy’n digwydd yn y farchnad stoc. Ond os byddwch yn cymryd y pensiwn cyn eich oedran ymddeol arferol, gall y swm a dderbyniwch fod yn llai na phe baech yn aros.
Gall cynghorwyr ariannol sy’n cael eu rheoleiddio roi cyngor i chi ar beth i’w wneud os ydych am stopio cyfraniadau neu gymryd eich pensiwn yn gynnar. Yn aml, gellir talu cost cyngor yn uniongyrchol o’ch cronfa bensiwn yn hytrach na bod yn rhaid i chi ddod o hyd i’r arian.
Bydd cymryd yr arian allan yn gostwng gwerth eich cronfa nawr, ond gall y cyngor roi tawelwch meddwl i chi eich bod yn gwneud y peth iawn ac wedi ystyried pob opsiwn. Dros y tymor hir gall gynrychioli gwerth da am arian a'ch osgoi i wneud camgymeriad drud.
Ond gwnewch yn sicr bod unrhyw gynghorydd rydych yn siarad â nhw yn cael ei reoleiddio gan yr Awdurdod Ymddygiad Ariannol (FCA), gan fod hynny’n rhoi mwy o amddiffyniad i chi os bydd rhywbeth yn mynd o’i le. Mae’r holl gynghorwyr ar ein Cyfeiriadur Ymgynghorydd Ymddeol yn cael eu rheoleiddio gan FCA.
Mae’n bwysig peidio â rhyngweithio ag unrhyw un sy’n cysylltu â chi ac yn gofyn am unrhyw fanylion banc neu bersonol. Byddwch yn wyliadwrus, hefyd, am unrhyw hysbysebion dros dro pan fyddwch ar-lein – nid yw llawer o’r cwmnïau hyn yn cael eu rheoleiddio ac, ar y gwaethaf, gallai fod yn sgam.
Dylech ond delio â chwmnïau neu sefydliadau rheoledig rydych wedi eu hymchwilio neu rydych yn ymddiried ynddynt. Nid yw cwmnïau ag enw da yn galw yn ddiwahoddiad.
Edrychwch ar ein cyfeiriadur i ddod o hyd i gynghorydd rheoledig a diduedd i’ch helpu i wneud y penderfyniad cywir ar gyfer eich sefyllfa benodol
Oes gennych bryderon ariannol oherwydd costau byw cynyddol?
Os felly, dydych chi ddim ar eich pen eich hun.
Os oes angen yr arian arnoch o’ch pensiwn i dalu dyledion neu i dalu am bethau oherwydd eich bod yn cael trafferth gyda chostau byw cynyddol, mae cymorth ar gael cyhyd â’ch bod yn gwybod ble i edrych.
Ffoniwch ni am ddim ar 0800 011 3797 neu defnyddiwch ein gwe-sgwrsYn agor mewn ffenestr newydd.
Bydd un o’n harbenigwyr pensiwn yn hapus i ateb eich cwestiynau.
Mae ein help yn ddiduedd ac am ddim i’w ddefnyddio, boed hynny ar-lein neu dros y ffôn.
Oriau agor: dydd Llun i ddydd Gwener, 9am i 5pm (llinell gymorth), 9am i 6pm (gwe-sgwrs). Ar gau ar wyliau banc.
Cael help i roi eich biliau a’ch taliadau yn y drefn gywir gyda’n Blaenoriaethwr biliau
Mae ein grwpiau Facebook preifat yn llawn newyddion arian a diweddariadau cyn gynted ag y byddwn yn eu cael.
Gallwch ofyn cwestiynau am arian, rhannu pryderon a helpu eraill allan.
Os ydych yn poeni am eich buddsoddiadau neu bensiynau, peidiwch â dioddef yn dawel. Gallwch ymuno â’r gymuned yn ein grŵp Pensiynau neu gael cymorth cynilion arian yn ein grŵp Cyllidebu a Chynilo.
I ddarganfod mwy am bensiynau ymunwch â’n grŵp Eich pensiwn a chynllunio am y dyfodolYn agor mewn ffenestr newydd
Ymunwch â’n grŵp Facebook Cyllidebu a Chynilo preifatYn agor mewn ffenestr newydd am awgrymiadau a chefnogaeth gan gymuned o gynilwyr
Os oes rhywun wedi cysylltu â chi yn ddiwahoddiad a dweud wrthych fod eich cronfeydd pensiwn mewn perygl a’ch bod yn rhaid i chi eu symud i le diogel – byddwch yn ofalus. Byddwch yn wyliadwrus, hefyd, am unrhyw hysbysebion dros dro pan fyddwch ar-lein – nid yw llawer o’r cwmnïau hyn yn cael eu rheoleiddio.
Gall hwn fod yn sgam a gallai hynny olygu eich bod yn colli eich holl arian ymddeol caled, a allai niweidio eich cynlluniau ar gyfer y dyfodol yn ddifrifol.
Er enghraifft, gallech golli’ch arian a wynebu tâl treth o hyd at 55% o’r swm a dynnwyd yn ôl neu a gafodd ei drosglwyddo, ynghyd â thaliadau pellach gan eich darparwr.
Mae sgamwyr yn codi ofn arnom, felly peidiwch byth â theimlo fel bod angen rhuthro i wneud penderfyniad am eich pensiwn – nac unrhyw beth sy’n ymwneud â’ch cyllid. Cyn i chi wneud unrhyw benderfyniadau mawr a allai beryglu eich cynilion oes:
Os ydych yn poeni am gael eich twyllo, ewch i’n canllawiau ar sgamiau neu siaradwch â ni ar 0800 015 4402
Gwiriwch y Gofrestr Gwasanaethau AriannolYn agor mewn ffenestr newydd i weld a yw’r cwmni y gallech ddelio ag ef wedi’i awdurdodi a’i reoleiddio
Gwelwch ein canllaw i Dewis ymgynghorydd ariannol
Os felly, nawr yw’r amser i gael cyngor ar ddyledion
Mae am ddim ac yn gyfrinachol
Yn rhoi ffyrdd gwell i chi o reoli eich dyledion ac arian
Yn sicrhau eich bod yn hawlio'r holl fudd-daliadau a'r hawliau cywir
