Mwy o bensiynwyr yn gymwys i gael Taliad Tanwydd Gaeaf

Mae'r llywodraeth wedi cyhoeddi nad yw hawlio Credyd Pensiwn bellach yn allweddol i gael y Taliad Tanwydd Gaeaf yng Nghymru a Lloegr. Yn lle hynny, bydd y taliad o hyd at £300 yr aelwyd yn cael ei wneud i bob pensiynwr, fodd bynnag, Os oes gennych enillion trethadwy blynyddol dros £35,000, bydd y rhan fwyaf o'r arian yn cael ei gymryd yn ôl yn awtomatig gan CThEF. Os oes gennych enillion trethadwy blynyddol o £35,000 neu lai, byddwch yn cadw'r taliad.

Mae hwn yn newid mawr mewn cymhwysedd, ac amcangyfrifir y bydd tua thri chwarter yr holl bensiynwyr bellach yn cael - ac yn cadw - y taliad di-dreth y gaeaf hwn.  Bydd mwy o fanylion am daliad 2025/26Yn agor mewn ffenestr newydd ar gael ar GOV.UK ddiwedd mis Mehefin.

Na. Er y bydd pob pensiynwr yn cael y taliad o'r gaeaf hwn, dim ond y pensiynwyr hynny sydd ag enillion o £35,000 neu lai bydd yn cadw eu taliad. Bydd CThEF yn adennill taliad pawb arall yn awtomatig.

Bydd faint byddwch chi’n ei gael yn dibynnu ar eich oed, gyda phwy rydych chi’n byw, eu hoed nhw a’ch amgylchiadau rhwng 15 a 21 Medi 2025. Dyma a elwir yn ‘wythnos gymhwyso’.

Byddwch yn cael llythyr ym mis Hydref neu fis Tachwedd yn dweud wrthych faint o Daliad Tanwydd Gaeaf fyddwch chi’n ei gael.

Os ydych chi’n byw gyda phartner a’ch bod eich dau yn 80 oed neu’n hŷn yn ystod yr ‘wythnos gymhwyso’, byddwch yn cael taliad uwch. Os ydych chi rhwng 66 a 79 oed, byddwch chi’n cael taliad is.

Darganfyddwch fanylion llawn am y taliad tanwydd gaeafYn agor mewn ffenestr newydd ar GOV.UK.

Mae incwm o bensiynau preifat, Pensiwn y Wladwriaeth, cyflogaeth, a llog cynilo, i gyd yn cyfrif fel incwm trethadwy. Mae gan GOV.UK grynodeb defnyddiol o'r hyn sy'n cyfrif fel incwm trethadwyYn agor mewn ffenestr newydd Ond nid yw rhai budd-daliadau fel Credyd Pensiwn, Lwfans Gweini, a llog cynilo sydd y tu mewn i lapiwr ISA yn cyfrif fel incwm trethadwy. Os nad ydych chi'n siŵr pa fudd-daliadau sy'n cyfrif a pha rai nad ydyn nhw'n cyfrifYn agor mewn ffenestr newydd, ewch i GOV.UK.

Gallwch. Gallwch chi optio allan o gael y taliad os nad ydych yn dymuno’i dderbyn neu os ydych chi’n meddwl y bydd angen i chi’i ad-dalu. Am bopeth fydd angen i chi wybod am optio allan, gweler ein blog Dyddiad terfynol optio allan o’r Taliad Tanwydd Gaeaf.

Yn yr Alban, mae’r Taliad Tanwydd Gaeaf wedi’i ddisodli gyda Thaliad Gwresogi Gaeaf Oed Pensiwn, gwerth hyd at £305.10 ar gyfer gaeaf 2025/26. Bydd cymhwyster yn unol â Chymru a Lloegr.

Yng Ngogledd Iwerddon, mae'r Taliad Tanwydd Gaeaf yn werth rhwng £250 a £600. Mae gweinidog cymunedau Gogledd Iwerddon, Gordon Lyons, wedi cadarnhau y bydd y Weithredwr yn ceisio ehangu'r taliadau yn unol â'r meini prawf newydd yng Nghymru a Lloegr. Am fanylion llawn gweler y dudalen Taliad Tanwydd GaeafYn agor mewn ffenestr newydd ar NI Direct. 

Na. Os ydych chi'n 65, rydych chi o dan oedran Pensiwn y Wladwriaeth, ac ni fydd gennych hawl i'r taliad os ydych chi'n byw ar eich pen eich hun. Fodd bynnag, os ydych chi'n byw gyda'ch partner sydd dros oedran Pensiwn y Wladwriaeth, bydd eich partner yn gymwys a bydd yn cael Taliad Tanwydd Gaeaf ar gyfer eich cartref. Os yw eu henillion £35,000 neu o dan y flwyddyn, bydd eich cartref yn cadw'r taliad.

Mae'r Taliad Tanwydd Gaeaf yn un math o gymorth y gallech ei gael os ydych chi'n cael trafferth gyda chostau gwresogi. Mae gennym ganllaw cyfan ar Sut i leihau eich biliau ynni i helpu i wneud yn siŵr nad ydych chi'n talu mwy nag sydd ei angen arnoch.  

Gallech hefyd gael:

• Taliad Tywydd Oer - os ydych chi'n cael budd-daliadau penodol ac mae'r tymheredd yn gostwng i sero gradd Celsius neu is am saith diwrnod yn olynol, gallwch gael £25 am bob cyfnod o saith diwrnod. Gweler mwy yn ein blog Pwy sydd â hawl i Daliadau Tywydd Oer?  
• Gostyngiad Cartrefi Cynnes - mae hwn yn ostyngiad o £150 ar eich biliau sy’n £150 o ddisgownt ar eich biliau os ydych chi’n hawlio budd-daliadau prawf-modd penodol. Gweler Beth yw'r Gostyngiad Cartrefi Cynnes a sut alla i wneud cais?
• Budd-daliadau wedi'u targedu - mae yna wahanol fudd-daliadau sydd wedi'u cynllunio i helpu pobl i gwrdd â'u costau byw wrth ymddeol. Gweler ein canllaw Budd-daliadau mewn ymddeoliad am sut i wneud cais.  

Os ydych ar incwm isel, gallwch hefyd wneud cais i'r ‘Help’ gan Y Gronfa Gymorth i Aelwydydd, os ydych chi'n gymwys o dan reolau eich cyngor lleol. Gweler hefyd Byw ar incwm gwasgedig am wybodaeth ar sut i arbed arian ar filiau cartrefi.