Mae COPE yn ei olygu Cyfwerth Pensiwn wedi’i Gontractio Allan.

Os cawsoch eich cyflogi cyn 2016 efallai y bydd eich cyflogwr wedi dewis "contractio  allan" rhan o’r Yswiriant Gwladol (YG) a dalwyd ganddo, sy’n rhoi’r hawl i chi gael Pensiwn y Wladwriaeth. Hyd at 2012, roedd contractio allan hefyd yn bosibl drwy rai mathau o bensiynau personol.

Roedd hyn yn golygu eich bod chi a’ch cyflogwr wedi talu YG ar gyfradd is, neu fod rhai o’ch cyfraniadau Yswiriant Gwladol eich hun wedi’u buddsoddi yn eich pensiwn preifat yn hytrach na Phensiwn y Wladwriaeth.

Roedd hyn yn arfer bod yn eithaf cyffredin. Rhannwyd yr hen Bensiwn y Wladwriaeth yn ddwy ran. Roedd cael eich contractio allan yn golygu, er eich bod yn adeiladu hawl tuag at eich Pensiwn sylfaenol y Wladwriaeth, roedd beth fyddai eich hawl i Bensiwn Ychwanegol y Wladwriaeth yn cronni o fewn eich pensiwn preifat.

Ar yr adeg y cawsoch eich contractio allan, gallai Pensiwn Ychwanegol y Wladwriaeth fod wedi cael ei alw’n rhywbeth gwahanol gan gynnwys:

• Buddion ymddeol graddedig
• SERPS (State Earnings Related Pension Scheme)
• Ail Bensiwn y Wladwriaeth (S2P)

Os cawsoch eich contractio allan, gallai hyn leihau faint y byddech yn ei gael o’ch Pensiwn y Wladwriaeth, o’i gymharu â rhywun mewn amgylchiadau tebyg na chafodd ei gontractio allan. Fodd bynnag, y peth pwysig i’w wybod yw nad yw hwn yn arian rydych wedi’i golli’n llwyr, bydd y swm y mae gennych hawl iddo wedi bod yn cronni mewn man arall, a gallwch ei hawlio o hyd.

Pan oeddech wedi cael eich contractio allan, talwyd arian i mewn i’ch pensiwn ar eich rhan a ddylai dalu’r hyn y byddech wedi’i dderbyn pe bai gennych hawl i Bensiwn Ychwanegol y Wladwriaeth. Mae hyn yn eich swm COPE. Byddai faint y gallech ei gael yn union yn dibynnu ar y math o bensiwn a ddefnyddiwyd i gontractio allan.

Gallwch ofyn eich darparwr pensiwn am ragolwg o’ch buddion pensiwn sydd wedi’u contractio allan.

Ni allwch bellach gweld amcangyfrif ffigwr COPE ar eich rhagolwg Pensiwn y WladwriaethYn agor mewn ffenestr newydd – mi fydd yn ddweud wrthych eich bod wedi eich contractio allan o ran o Bensiwn y Wladwriaeth. 

Na, ni fydd eich swm COPE yn cael ei ddidynnu o’ch Pensiwn y Wladwriaeth. Mae’r swm a ddangosir ar eich rhagolwg Pensiwn y WladwriaethYn agor mewn ffenestr newydd yr un peth o hyd. Ond, gallai hyn gynnwys blynyddoedd o Gyfraniadau Yswiriant Gwladol (NICs) nad ydych wedi’u gwneud eto. 

Dilynwch y camau yn yr adran nesaf i hawlio’r rhan o’ch pensiwn a gontractiwyd allan. Amcangyfrif yn unig yw’r swm COPE sy’n cael ei gynnwys yn eich rhagolwg Pensiwn y Wladwriaeth. Yn dibynnu ar y math o gynllun pensiwn a ddefnyddiwyd i gontractio allan, gallai fod yn werth mwy neu lai na’r hyn y mae’n ei ddangos.

Pe byddech yn cael eich contractio allan, byddai hyn wedi cael ei wneud drwy bensiwn preifat. Naill ai byddai hyn wedi’i sefydlu fel pensiwn newydd, neu efallai bod swm COPE eisoes wedi’i gynnwys fel rhan o’ch pensiwn gweithle. Hyd yn oed os ydych wedi newid llawer o swyddi neu wedi colli manylion hen bensiynau, gallwch hawlio’r arian hwn o hyd.

Os ydych eisoes yn adnabod eich holl ddarparwyr pensiwn, gallwch gysylltu i ofyn am eich swm COPE. Byddant yn gallu dweud wrthych os cawsoch eich contractio allan ai peidio, a gwerth yr arian nawr.

Efallai y bydd rhai darparwyr pensiwn yn ei alw’n “Isafswm Pensiwn Gwarantedig” (GMP).

Os dywedwyd wrthych fod gennych amcangyfrif COPE ond nad ydych yn siŵr o ble y gallai fod, gallai fod o bensiwn rydych chi wedi anghofio amdano neu wedi colli mynediad iddo.

Gall CThEF ddweud wrthych pryd y cawsoch eich contractio allan os byddwch yn cysylltu â’u llinell gymorth Yswiriant GwladolYn agor mewn ffenestr newydd

Gallwch hefyd ofyn am eich hanes cyflogaeth gan CThEFYn agor mewn ffenestr newydd os nad ydych yn siŵr ble y buoch yn gweithio a’r dyddiadau y buoch yn gweithio yno.

Gweler cymorth cam wrth gam yn ein herthygl Sut i ddod o hyd i hen bensiynau neu bensiynau coll.

I rai pobl, byddai eu swm COPE wedi cael ei dalu i bensiwn cyfraniadau wedi’u diffinio (DC). Mae hwn yn gronfa o arian i chi benderfynu beth i’w wneud ag ef unwaith y byddwch dros 55 oed.

Mae hyn yn golygu y bydd y swm pensiwn gwirioneddol y gallech ei gael yn dibynnu ar ffactorau fel perfformiad buddsoddi, ffioedd a godir arnoch, a’r dewisiadau fyddwch yn eu gwneud pan fyddwch yn penderfynu cael mynediad i’r gronfa.

Mae’n wahanol i bensiwn buddion wedi’u diffinio (DB), y gallech ei adnabod fel pensiwn ‘cyflog terfynol’ lle rydych yn cael incwm am oes, yn lle hynny.

Am fwy o wybodaeth ar yr holl opsiynau sydd gennych, gweler ein canllaw Beth allaf wneud gyda fy nghronfa bensiwn?

Os ydych yn 50 oed neu’n hŷn gyda phensiwn cyfraniadau wedi’u diffinio’r DU, gallwch hefyd cael apwyntiad Pensiwn Wise am ddim i ddeall y gwahanol ffyrdd y gallwch gymryd eich pensiwn. 

Os oeddech mewn cynllun buddion wedi’u diffinio (DB) wedi’u contractio allan, taloch chi a’ch cyflogwr gyfradd ychydig yn is o gyfraniadau Yswiriant Gwladol. Y rheswm am hyn yw nad ydych chi na’ch cyflogwr wedi cyfrannu at Bensiwn Ychwanegol y Wladwriaeth.

Os cawsoch eich contractio allan drwy bensiwn DB, byddai’n rhaid i’r cynllun ddarparu isafswm buddion a elwir yn ‘Isafswm Pensiwn Gwarantedig’ (GMP), yn lle’r pensiwn ychwanegol yr oeddech yn ei ildio.

Os cawsoch eich contractio allan am gyfran fawr o’ch bywyd gwaith, gallai effeithio ar faint o Bensiwn y Wladwriaeth y mae gennych hawl iddo. Gwneir cyfraniadau Yswiriant Gwladol (NI) pan fyddwch yn talu i mewn drwy weithio, neu gellir eu hennill drwy hawlio budd-daliadau penodol, gan gynnwys Budd-dal Plant. Os cawsoch eich contractio allan, efallai y bydd angen mwy o flynyddoedd cymhwyso arnoch i gael y gorau o Bensiwn y Wladwriaeth.

Dysgwch fwy am Gredydau Yswiriant gwladolYn agor mewn ffenestr newydd ar GOV.UK

Pan fydd bylchau yn eich cofnod Yswiriant Gwladol, ac nad oes gennych eisoes nifer y blynyddoedd cymhwyso a fyddai’n rhoi’r hawl i chi gael Pensiwn y Wladwriaeth lawn, gallai fod yn werth talu am Gyfraniadau Yswiriant Gwladol Gwirfoddol (VNICs).

Am gymorth cam wrth gam, gweler ein canllaw Cynyddu eich Pensiwn y Wladwriaeth gyda chyfraniadau Yswiriant Gwladol gwirfoddol.