Gallwch ddechrau cymryd arian o'r rhan fwyaf o bensiynau o 60 neu 65 oed. Dyma pan fydd llawer o bobl fel arfer yn meddwl am leihau eu horiau gwaith a symud i ymddeoliad. Yn aml, gallwch hyd yn oed ddechrau cymryd arian o bensiwn gweithle neu bensiwn personol o 55 oed os dymunwch. Mae hyn ymhell cyn y gallwch gael eich Pensiwn y Wladwriaeth
Beth sydd yn y canllaw hwn
Cymryd arian o’ch pensiwn
Os oes gennych bensiwn a cyfraniadau wedi'u diffinio, fel arfer gallwch ddechrau cymryd incwm neu gyfandaliadau (neu'r ddau) o 55 oed.
Ond byddwch yn ymwybodol po gynharaf y byddwch yn dechrau tynnu arian o'ch pensiwn, po hwyaf y bydd angen iddo bara. Felly mae'n bwysig meddwl yn ofalus am sut rydych yn rheoli'ch arian - er mwyn ei osgoi rhag rhedeg yn rhy isel wrth i chi fynd yn hŷn.
Mae’r isafswm oedran pensiwn arferol yn cynyddu i 57 oed.
Er y gallwch gael mynediad at eich pensiwn fel arfer o 55 oed, mae hyn yn newid i 57 oed ar 6 Ebrill 2028. Gallai hyn effeithio ar eich pensiwn cyfraniadau wedi’u diffinio neu eich pensiwn buddion wedi’u diffinio.
Efallai y bydd unrhyw un a aned ar neu ar ôl 6 Ebrill 1973 yn gweld eu isafswm oedran pensiwn yn symud i 57 oed. Mae hyn yn golygu efallai na fyddwch yn gallu cymryd rhai neu’r cyfan o’ch buddion pensiwn nes i chi gyrraedd yr oedran hwnnw, a allai fod hyd at 2 flynedd yn hwyrach na’r disgwyl.
Gall pobl a aned rhwng 6 Ebrill 1971 a 5 Ebrill 1973 gael eu dal mewn cyfnod trosiannol, o bosibl yn cael mynediad i’w pensiynau yn 55 oed, yna’n colli mynediad o 6 Ebrill 2028 hyd nes iddynt gyrraedd 57 oed.
Dylech wirio gyda’ch darparwr pensiwn a fydd eich isafswm oedran pensiwn ar gyfer cael mynediad i’ch pensiwn yn cynyddu, oherwydd efallai y bydd rhai pobl yn gymwys ar gyfer oedran pensiwn a ddiogelir ar rai neu’r cyfan o’u buddion.
Darganfyddwch fwy am bensiynau cyfraniadau wedi’u diffinio yn ein canllaw Esbonio cynlluniau pensiwn cyfraniadau wedi’u diffinio
Os oes gennych bensiwn buddion wedi'u diffinio, fel arfer gallwch ddechrau ei gymryd o 60 neu 65 oed.
Efallai y gallwch ddechrau derbyn incwm ohono yn 55 oed. Fodd bynnag, mae’r incwm rydych yn ei gael yn debygol o gael ei ostwng, gan eich bod yn ei gymryd yn gynharach nag oed pensiwn arferol y cynllun.
Er hynny, os wnewch ddechrau cymryd yr arian o’r cynllun nes ymlaen, fe allwch gael incwm uwch. Mae hyn oherwydd ei fod yn bosibl iddo dalu allan am gyfnod llai.
Darganfyddwch fwy am bensiynau buddion wedi’u diffinio yn ein canllaw Cynlluniau pensiwn buddion wedi’u diffinio: cyflog terfynol a chyfartaledd gyrfa wedi’u hesbonio
Gallech ddefnyddio'r arian o'ch pensiynau i helpu i ychwanegu at eich cyflog os ydych yn dal i weithio. Mae hyn yn golygu y gallwch weithio llai o oriau neu ymddeol yn gynnar.
Bydd yr isafswm oedran y gallwch gael mynediad at eich pensiwn yn newid o 55 i 57 o 2028. Gweler uchod am fanylion.
Oes gennych weithle neu bensiwn personol? Yna pan allwch gael mynediad bydd yn dibynnu ar delerau ac amodau eich polisi. Mae'n bwysig gwirio â'ch darparwr a oes unrhyw gosbau am gael mynediad i'ch pensiwn yn gynnar neu'n hwyrach na'r oedran pensiwn arferol.
Mae gan rai cynlluniau nodweddion sy'n golygu y gallech golli ‘bonws ag elw’ neu ‘cyfradd blwydd-dal gwarantedig’.
Darganfyddwch fwy yn ein canllaw Esbonio blwydd-daliadau
Os ydych yn aelod o bensiwn gweithle, efallai y bydd angen caniatâd eich cyflogwr neu gyn-gyflogwr arnoch i gymryd buddion yn gynharach na'r oedran pensiwn arferol. Mae hyn yn fwy tebygol os ydych yn dal i weithio iddynt. Mewn rhai achosion, efallai y bydd angen caniatâd ymddiriedolwyr y cynllun pensiwn arnoch hefyd.
A yw'ch aelodaeth yn cynnwys elfen sy'n ymwneud â chontractio allan o gynllun y Wladwriaeth rhwng 6 Ebrill 1978 a 5 Ebrill 1997? Yna bydd isafswm penodol y mae rhaid i'r cynllun ei dalu. Gelwir hyn yn Isafswm Pensiwn Gwarantedig (GMP).
Os na fydd eich pensiwn o leiaf yn hafal i'ch GMP disgwyliedig pan allwch ddechrau ei dynnu, efallai na fyddwch yn gallu cael mynediad iddo'n gynnar. Bydd angen i chi ofyn i weinyddwr eich cynllun am wybodaeth am ymddeol yn gynnar.
Darganfyddwch fwy yn ein canllawiau:
Eich opsiynau ar gyfer defnyddio’ch cronfa pensiwn buddion wedi’u diffinio
Pensiynau buddion wedi'u diffinio
A gaf gymryd fy mhensiwn cyn 55 oed?
Fel rheol ni allwch gymryd arian o'ch pensiwn cyn eich bod yn 55 oed. Ond mae rhai achosion prin pan allwch - er enghraifft, os ydych mewn iechyd gwael.
Darganfyddwch fwy yn ein canllaw
Ymddeoliad Iechyd gwael: ymddeoliad meddygol cynnar
Mae rhai proffesiynau yn caniatáu dyddiad ymddeol cynharach – er enghraifft, os ydych yn athletwr proffesiynol.
Mae gan rai pensiynau (yn nodweddiadol y rhai y gallech fod wedi ymuno â hwy cyn 6 Ebrill 2006) oedran pensiwn gwarchodedig sy'n is na 55. Os ydych yn credu y gallai hyn fod yn berthnasol i chi, gofynnwch i weinyddwr eich cynllun cyn gynted â phosibl, neu cysylltwch â ni i drafod hynny gydag un o'n tîm.
Angen mwy o wybodaeth am bensiynau?
Ffoniwch ni am ddim ar 0800 756 1012Yn agor mewn ffenestr newydd neu defnyddiwch ein gwe-sgwrs. Bydd un o’n harbenigwyr pensiwn yn hapus i ateb eich cwestiynau.
Mae ein help yn ddiduedd ac am ddim i’w ddefnyddio, p’un ai yw hynny ar-lein neu dros y ffôn.
Amseroedd agor: Dydd Llun i Ddydd Gwener, 9am i 5pm. Ar gau ar wyliau banc.
Sgamiau
Mae sgamiau pensiwn mor ddifrifol oherwydd gallant olygu eich bod yn colli'ch holl arian ymddeol, a allai niweidio’ch cynlluniau ymddeol yn ddifrifol.
Gallech golli'ch arian ac wynebu tâl treth o hyd at 55% o'r swm a gymerwyd allan neu a drosglwyddwyd, ynghyd â thaliadau pellach gan eich darparwr.
Dysgwch fwy yn ein canllaw Sut i adnabod sgam pensiwn
Pensiwn y Wladwriaeth
Nid yw'n bosibl derbyn eich Pensiwn y Wladwriaeth cyn eich oedran Pensiwn y Wladwriaeth, ond efallai y bydd gennych hawl i rai buddion eraill y Wladwriaeth.
Defnyddiwch ein Cyfrifiannell Budd-daliadau
Darganfyddwch yn gyflym pa gymorth y gallech fod â hawl iddo trwy ddefnyddio ein Cyfrifiannell Budd-daliadau
